《新聞女王》格仔山行山路線！輕鬆易行半小時到頂 遠眺靚景 附完整交通

格仔山行山路線！輕鬆易行半小時到達《新聞女王》取景地

格仔山（Checkerboard Hill），原名九龍仔山，又有人叫它做「樂富山」、「雷達山」，是九龍一座海拔只有98米的山丘。它有點像深水埗的嘉頓山，位於市區內，而且景色開揚，可以遠眺九龍仔一帶的風景，所以是不少人飯後散步或假日遊玩之選。

格仔山於以前啟德機場運作時，位於13跑道降落航道必經之地，所以啟德機場的導航系統會把飛機引導至此，再由機師把飛機轉向進行目視降落。格仔山特別塗上紅白相間的格子圖案，並設有導航燈及無線電導航設備，方便引導機師把飛機在正確航道飛行降落，亦因此香港人把這座山稱為格仔山，以前有不少人專程前來拍攝飛機升降的過程。

相關文章：新聞女王｜李施嬅變成第二個「Man姐」網民不滿？監製鍾澍佳回應黑化4大細節

紅白格仔山遠眺九龍仔靚景 附完整路行山線圖

自從啟德機場關閉後，該山便失去用途，紅白的顏色也被塗上灰色以免讓機長誤會。不過，早前有山友發現格仔山再重新塗上紅白的顏色，讓大家可以到此一遊緬懷一番。

前往格仔山完整路線圖

1.由樂富站行向聯合道公園

要前往格仔山，首先可乘搭港鐵到樂富站。

2.聯合道公園前往樂富海水配水庫旁嘅小石梯

行到公園就證明你已經喺格仔山嘅山腳啦！向山頂出發GOGOGO！

3.上小石梯後前往標高柱

之後嘅路會有較多梯級，行嘅時候建議緊握扶手，而中途有兩個打卡位大家留意返。

4.標高柱再行入去就到格仔山

標高柱後嘅路會較多石級同泥地

5.到達格仔山

全程由山腳行到山頂都係用咗30分鐘，想忙裏偷閒，親親大自然放鬆吓格仔山係一個好選擇！

6.打卡勝地

有優越嘅地理環境，即畀大家參考吓點擺咩pose同用咩角度影最靚啦！

注意事項

1. 保持環境清潔，自己垃圾自己帶走。
2. 紅白斜坡附近正進行工程，最佳拍攝地方建議在九龍仔公園附近。
3. 前往格仔山平台並不是完整的修繕的道路，宜結伴同行前往。
4. 配水庫一帶並沒有洗手間，宜在登山前後於九龍仔公園或聯合道公園內解決。

前往方法

交通：
九巴：乘搭路線7、75X、85、85A、85B到樂富富強苑巴士站下車
港鐵：或乘港鐵到樂富港鐵站A出口，沿路走至樂富公園入口，即可見行山徑起點。