復活節好去處2025｜香港科學園「科羅紀復活迷宮」登場！20米直徑超大型迷宮＋5米高巨型扭蛋機＋超吸引餐飲優惠

Apr 17 2025

復活節長假期又嚟啦，唔知大家有冇諗好去邊度玩呢？如果想搵個適合一家大細嘅好去處，咁就要記得嚟科學園啦！香港科學園由即日起至2025年4月21日舉辦「科羅紀復活迷宮」，有一連串精彩活動，等你同家人、朋友，甚至係你嘅寵物一齊度過一個難忘嘅復活節假！

直闖20米直徑超大型迷宮玩遊戲＋扭蛋

今次活動嘅重頭戲就係喺12W大廣場設置嘅20米直徑超大型迷宮「科羅紀復活迷宮」！大家憑遊戲卡即可進入迷宮玩四個超好玩嘅尋龍奇遇迷宮遊戲，包括：復活龍蛋大迷「蹤」、一「圈」即中爭霸戰、「餵」食龍蛋射比拼同5米高嘅「巨型扭蛋裝置」「扭」轉科羅紀，等大家可以一齊探索迷宮之餘，仲可以挑戰各種遊戲，享受無限樂趣！

復活節好去處2025 科羅紀復活迷宮「復活龍蛋大迷『蹤』」，考驗你喺迷宮入面搵龍蛋嘅能力 — 「復活龍蛋大迷『蹤』」，考驗你喺迷宮入面搵龍蛋嘅能力

復活節好去處2025 科羅紀復活迷宮「一『圈』即中爭霸戰」，睇下你嘅準繩度有幾高 — 「一『圈』即中爭霸戰」，睇下你嘅準繩度有幾高

復活節好去處2025 科羅紀復活迷宮「『餵』食龍蛋射比拼」要你用彈弓餵恐龍，夠晒刺激！ — 「『餵』食龍蛋射比拼」要你用彈弓餵恐龍，夠晒刺激！

復活節好去處2025 科羅紀復活迷宮 5米高嘅巨型扭蛋裝置，等你「『扭』轉科羅紀」，隨時可以扭中精美禮物！ — 5米高嘅巨型扭蛋裝置，等你「『扭』轉科羅紀」，隨時可以扭中精美禮物！

消費滿指定金額即獲遊戲卡及精美復活節禮物

想入迷宮玩遊戲？只要喺園區內任何餐廳或零售商戶消費滿以下指定金額，憑即日單一電子交易收據，即可換領復活節禮品包乙份*（內附遊戲卡及精美禮物）！

消費滿	遊戲卡^	精美禮物
HK$300或以上	1張	1份
HK$600或以上	2張	1份

禮品包換領詳情：

日期：2025年4月18至21日

時間：13:30 – 22:00

地點：10W大樓地下（會所側）

復活節好去處2025 科羅紀復活迷宮消費滿$600即有機會獲得「恐龍造型帳篷」 — 消費滿$600即有機會獲得「恐龍造型帳篷」

復活節好去處2025 科羅紀復活迷宮多個扭蛋精美禮物等你換！ — 多個扭蛋精美禮物等你換！

*復活節禮品包（遊戲卡及精美禮物）數量有限，先到先得，換完即止，受條款及細則約束。

^每張遊戲卡僅可於4月18日至21日的其中一日之遊戲開放時間內使用，參加者可在兌換時選擇日期。

多個復活節裝飾等大家打卡

玩完遊戲，記得去10W大樓地下同議事廣場影相打卡呀！園區特別設置咗唔少復活節恐龍裝飾，等大家影靚相po threads同IG story！

與毛孩齊過復活節

今次活動分別喺議事廣場設有「限時萌寵玩樂區」同喺12E與16E大樓之間設置寵物公園「寵愛點」，等你同寵物一齊過一個特別嘅復活節！

園區多間餐廳任你揀部分更提供至抵餐飲優惠！

玩到肚餓？唔使擔心！科學園內有唔少餐廳畀大家醫肚！首先推介「PizzaExpress」，啱晒搞小型聚會，最近「PizzaExpress」為60周年推出一系列驚喜優惠，包括低至6折嘅堂食折扣同60分鐘任食優惠！如果想食中菜嘅話，「八方棧」都係唔錯嘅選擇，叫幾個小炒就夠晒溫馨。鍾意日本菜嘅朋友就可以去「十和田」，有廚師拼盤、吞拿魚拼盤同天婦羅烏冬等招牌菜式。如果想搵個靚景嘆美食嘅話，一定唔好錯過「Harbourview Grill」！