【年宵2019】全港15個年宵市場地圖全面睇 維園最大型＋新界最多市集
廣告
一年一度農曆年宵市場又嚟喇！今年年宵將於2019年1月30日至2019年農曆年初一清晨(即2019年2月5日)舉行，為期七日，即刻為大家送上全港15個年宵市場攤位圖同地點，喺大年初一到臨之前趕快 辦年貨迎豬年啦！
撰文：Evita｜圖片：食物環境衞生署
全港15個年宵市場地圖全面睇
港島區
1.銅鑼灣維多利亞公園
眾所周知維園年宵一向都係全港最大嘅年宵，今年有284檔乾貨攤位同180檔濕貨攤位，更有3檔熟食攤位，大家唔使怕行得耐會餓親啦！
離島區
1.東涌達東路花園
東涌呢個年宵係離島區唯一一個年宵市場，規模較細，只係得8檔濕貨檔同34檔乾貨檔位，住喺離島嘅朋友如果唔想出市區就只可以行呢個年宵喇。
九龍區
1.深水埗花墟公園
旺角花墟係九龍區年宵重頭戲，九龍人必去！今年有84檔乾貨攤位及96個濕貨攤位，就連熟食檔都有4個，加上地點近太子同旺角，必定非常熱鬧。
2.深水埗長沙灣遊樂場
今年長沙灣遊樂場年宵有48檔乾貨攤位同66檔濕貨攤位，規模都唔算細，而且勝在人流唔算多，行都行得舒服啲！
3. 黃大仙摩士公園
相信大家往年捉精靈都經常去摩士公園，而今年摩士濕貨同乾貨攤檔都各有68檔。
4.觀塘觀塘遊樂場
今年觀塘遊樂場年宵有84檔濕貨，43檔乾貨，規模都比較大，濕貨檔佔大多數，如果想買年桔、年花，不妨去觀塘入手啦！
新界區
1.葵青葵涌運動場
鄰近新都會廣場同葵涌廣場嘅葵涌運動場年宵，向來搞唔少美食節都吸引大量人流，今年年宵有91檔濕貨攤檔，24檔乾貨攤檔。年宵入面無熟食檔，所以大家行到咁上下就可以選擇到附近商場覓食喇！
2.荃灣沙咀道遊樂場
荃灣沙咀道年宵有154檔濕貨攤位同28檔乾貨攤位，根據記者經驗，往年荃灣年花同年桔嘅價錢會比葵涌平，新界人想買濕貨就絕對可以考慮去荃灣喇！
