網民推$72長沙灣乾炒牛河！色香味俱全+夠鑊氣反遭恥笑：炒到成碟油

網民大推$72長沙灣乾炒牛河超夠鑊氣

早前有網民在Facebook上分享帖文，「之前好多人問我究竟話長沙灣好好食嘅乾炒牛河喺邊間太耐」，他在帖文中分享指長沙灣某間價值$72的乾炒牛河，大讚夠鑊氣。「差啲唔記得話俾大家聽，其實就係洪慶海鮮燒味飯店即係以前青山道發祥街，而家搬左去李鄭屋邨。」他指出乾炒牛河價值$65 ，另外再加茶錢$7， 「$72唔平嘅，但係質素有保證牛肉好食，份量都多夠鑊氣絕對好食過灣仔XX園！」，他又分享指「撈埋辣椒醬食一絕！凌晨三點前都食到，真正香港夜繽紛就係呢間，開24深夜都好多人幫襯！」

網民意見兩極：咁貴！寧願自己炒

不過對於這家店的食物，其他網民也有不同的看法，有網民一齊大讚「我試過兩次凌晨收工經過叫咗乾炒肉片河，真係夠鍋氣又大碟」。然而，也有人對價格表示疑慮，認為要$72太貴！「呢碟咁嘅嘢70幾蚊，我寧願自己炒。」此外，有網民對比其他食店，「拎馳名炒乾炒牛河既食店，去搵間食咖喱既XX園黎比 , 真係九唔搭八….仲要炒到成碟油都可以介紹人」。

有眼利網民還笑言該乾炒牛河極油，「呢碟油到可以清腸胃既野都話正」、「咁多油就唔好話炒得靚啦！」、「咁X油⋯⋯唔知以為d餅鋪生果揸左果膠咁令立立」。不過樓主之後隨即反駁，指出「乾炒牛河，一向唔係健康食物，乾炒，只係因為冇hin汁，一定有油光，有媒體拍片訪問全香港最好食嗰幾間乾炒牛河，訪問個大廚，佢話只要食完碟底唔係有成層油，就已經唔算油，我搵埋好多網同維基，嗰碟牛河都係有油反光的。」

洪慶海鮮燒味飯店
地址：香港長沙灣李鄭屋邨李鄭屋商場1樓168-170號舖
電話：(852) 2386 0233
營業時間：24小時營業