連登仔盤點香港夜市必備街頭小食 網民唔睇好:慳返用嚟去旅行好過
網民盤點香港夜市必備街頭小食 呢3款必要有!
多年的疫情改變了香港市民的生活習慣,現時市民少出夜街,不少商場、餐廳都提早開門,令街頭更冷清。而因應財政司司長陳茂波的一蓆話,「香港夜市」即成網絡熱話,不少網民都提出意見,有連登仔就以「搞夜市,有咩拎得出來見人?」為題發帖,讓大家集思廣益,看看若然香港真的仿效鄰近地區如台灣辦夜市,到底必須要有什麼,才能吸引市民。樓主拋磚引玉,指「咖哩豬皮魚蛋,鬼巴士(滷味檔),魚肉碗仔翅」等是必備,有網民則有以下提議:
炒栗子、煨蕃薯、燒魷魚、鹽焗蛋/鵪鶉蛋、茶葉蛋
雞蛋仔、格仔餅、咖哩魚蛋、燒賣、炸大腸、鮮榨蔗汁、傳統糖水
香蕉煎餅、大腸包小腸、鹽酥雞
一定要有煎腸粉
走鬼檔炸大腸、炸臭豆腐、炭爐串燒、鐵板炒雞尖、炒米粉、炒面、生菜魚肉、煎釀三寶
網民唔睇好:慳返用嚟去旅行好過
雖然網民討論的興起,但更多網民認為香港不可能做到像台灣這種夜市,一來是價錢問題:「一諗到什麼開心香港市集,什麼青衣戲掤,賣番嗰啲價錢真係搵你阿媽去食啦」、「個個諗住掠水,啲野貴到X街,搵鬼去咩,同個啲乜乜美食節一X樣」、「一句到尾,價錢貴已經唔想買」;也有人認為在在許多政策上根本不可能做到:「邊到有心做得起,(香港政府)冇呢類人材,外判出去算 ,顧問費又賺一筆, 完成任務,實行成唔成功係另一回事」、「香港淨係食環走出嚟同你講飲食牌都玩死你」、「(政府)叉隻腳埋嚟已經要限呢樣限嗰樣,最後咪又係美食車咁,又貴又難食」,甚至有網民認為要去夜市直接去台灣就好,直言「慳返用嚟去旅行好過」、「上個月去左2次台灣,晚晚去唔同夜市,食/買/玩樣樣都有,最重要洗費唔太貴」。
資料來源:連登討論區