紅磡人氣食店雞髀放電梯口溶雪被指不衞生　網民留言反常：咁樣最放心！

紅磡人氣食店　雞髀放電梯口溶雪

拍攝者「飲食黑店大全」分享一組圖片，並配文指「呢間紅磡所謂好出名、賣大雞髀嘅食店，原來秘方係將啲凍雞肉丟係電梯口，熟成畀你地食！記得幫襯多啲！」圖片可見一堆「鮮雞髀」紙箱被堆在扶手電梯處自然融解，被拍攝者認為是不衞生的做法，因此放上網想公審對方。

網民反應異常　直指：做法令人放心

對於這種處理方式，不少網民卻不認同拍攝者的說法，認為店家這樣的做法沒有問題，更認為是比一般的店舖更為衞生，拍攝者是大驚小怪。

• 「見到咁樣我就放心買來食」
• 「你想食放係電梯口解凍定食放係污糟嘅後巷解凍?」
• 「已經比好多食店乾淨啦」
• 「盒又未拆，又有嘢墊高嚟擺，其實入晒雪，都要放出嚟溶雪，調轉想請教樓主，超市同街市嗰啲貨，未上架都係擺喺卸貨區，閣下咪乜X都唔使買？」
• 「其實包裝得好好，我覺得問題不大 ，識得用膠桶晾起啲紙盒唔好接觸地面，我覺得做得非常之好！」

網民質疑為同行抹黑：有私怨？

同時，也有不少網民質疑拍攝者的背後用心，認為對方是「擺明就係同行抹黑」、「睇嚟你同間舖有私怨，然後以為有位入人喎？！你慳啲，人哋大把生意，咁樣幾好，俾D客知道貨源，食得安心又放心」，更有不少網民指出比北上用餐更令人安心「咁至少唔係元素週期表撈出嚟」、「起碼真係用雞髀先啦，你返上大陸食都唔知比咩肉你食」。