譚仔三哥招請Trainee 月薪達1.7萬 絕世筍工保送日本＋新加坡工作｜飲食熱話
廣告
譚仔三哥招請Management trainee （管理培訓生）！全球有過百間分店的譚仔三哥成功衝出香港，先後陸續進駐新加坡及日本，家大業大，近日譚仔三哥就招聘「管理培訓生」，據說月薪高達1.7萬再加碼勤工獎金、季度獎金等福利，仲有機會保送到日本、新加坡工作，無專長限制兼夾工作內容簡單，薪高糧準，羨煞一眾打工仔，不過睇真啲之前譚仔招聘店長月薪都有2萬，相較下管理培訓生人工好似又出手低咗！
譚仔三哥招請Trainee （管理培訓生）絕世筍工薪高糧準
飲食業長期面對招聘困難的問題，單靠加人工都未必留得住人才，一向不吝出奇招留人的譚仔三哥，繼之前為員工子女據提供「譚仔國際員工子女教育支援計劃」，入讀本地大學學士學位課程可獲最高$5萬元資助。近日又出新廣告於香港積極招聘「管理培訓生」，入職只要求DSE畢業或以上、熱愛餐飲業及擁有良好的溝通技巧等，完成為期9個月餐廳樓面及廚房營運管理技巧的實戰訓練等跨部門實習計劃，取得相關認證後，就有機會到日本及新加坡三哥分店工作，最快9個月可晉升為分店經理 ，基本薪酬以外還有勤工獎金、季度獎金、醫療福利及節日禮物等優厚福利，仲可以日日食譚仔，睇到小編都好想即刻去應徵！
三哥姐姐憑「雙煲齊發」功力 獲派星洲拓分店
莫欺少年窮，大家都唔好睇少於三哥工作的姐姐，個個身懷絕技、卧虎藏龍，三哥姐姐雁芳一直於香港三哥默默耕耘，靠住能夠在分半鐘便煮好兩碗美味米線的「雙煲齊發」特技，即獲海外工作機會，授命遠赴新加坡協助當地分店營運，一年內就籌備獅城的8間分店，仲於新加坡取經，親身於新加坡小印度香料市場搜購香料，將靈感及發現與譚仔三哥產品研發團隊分享，於9月會推出將當地香濃「椒」香糅合三哥香麻辛辣精粹的星洲風味米線 ，幾犀利！睇完呢個勵志故事，以後邊個仲敢睇少三哥姐姐！
譚仔三哥最近有咩新職位？
譚仔三哥招請Management trainee （管理培訓生），詳情按此。
譚仔三哥管理培訓生有咩任務？
譚仔三哥管理培訓生有不同訓練，畢業後更可以派往外地工作，詳情按此。
圖片來源：譚仔三哥
