移英港人｜香港教師移民英國 超市做搬貨！勤力彌補體力 網民鼓勵｜飲食熱話

移英港人老師抵英2個月 搵到超市長工

這位於Facebook「香港人移民英國資訊分享」群組發帖的網民表示自己到了英國約兩個半月，於英國大型連鎖超市ASDA找到了一份長工，並已經工作了2星期，每星期返3-4日，「同事好肯問你做成點，講How are you就一定㗎啦！有個大我少少嘅同事就Day2喺pantry撞過佢，見我新同事，同我打招呼。話有聽過同事講過我，同埋認得我，可能因為我係成間超市唯一一個亞洲人僱員啦」，同事似乎都很關心他。

安排負責執貨 獲經理讚賞

網民第一個星期返工，學習如何執貨及如何從貨倉取貨，有個經理教他執「Drinks」那一行在架頂的後備貨，如果見到貨架現貨賣得七七八八，就即刻從架頂拿下來補課，之後經理更放手讓他自己執「Water」那一行，「呢日放工前，個經理見我做到佢要求，同佢同行In我嗰個最大嘅manager講，我做得好好。」

網民非常感謝這位經理不時提醒他及鼓勵他，「我最欣賞佢係親力親為，因為啲drinks & water係好鬼重，啲同事免得過都唔會執，好易整傷自己。所以堆埋好多貨係頂。個經理主動執呢兩行（佢係好高大類型）大汗踏細汗，我做細嘅點敢hea呀！」網民表示這種經理「跟得過」，但覺得做細一定要有表現，因為經理對工作有要求，「不過你做唔啱要求，經理都會好nice提醒你；有講有笑！」

網民這個星期都是負責搬Drinks及Water，「不斷提自己要小心啲搬，唔好整親自己，呢度睇醫生，尤其跌打……係無！亦都同自己講經理叫你做呢個部分，證明你有存在價值！」

喜歡英國工作環境簡單 同事好helpful

網民覺得這裡工作環境簡單，自己做好本份就得，非常適合他，同事亦「好helpful」。他本來在香港已經很少行超市，去到英國，超市就「好似如入大海一樣！頭兩日有顧客問我啲貨喺邊，我真係一頭霧水。今個星期就好啲，知多咗個環境，開始話到俾顧客知啲貨大概放邊度。真係唔知就問其他同事。路在口邊，問題解決」。其中一個經理對他說：「No questions are silly questions!」他應為以前在香港提出問題會讓人覺得煩及阻住人做嘢，但這裡的人就截然不同，「幫到同事，幫到自己，幫到公司建立形象」！

港英職場文化不同

樓主得到很多留言支持及叫他要加油，其中一位網民的留言獲得很多人贊同：「外國人做嘢嘅環境同文化都唔一樣，人與人之間嘅溝通很重要，唔似得香港『你死你事』，所以啲人如果問你反正都係打工，點解要走咁遠，就係『尊重』嘅課題…我相信嘅就係香港人適應力好強，去到邊都可以有能力維持應有生活水平，路係人行山黎，揀選優質嘅生活環境係大前題，既然選擇咗，就做好佢。」

樓主亦回應：「香港人性急，好快做完啲嘢。但英國人就一路做嘢，得閒就傾下偈。甚至我見到有客捉住個同事讚佢beard留得好靚，傾咗成10分鐘。我一路執嘢，一路聽得好開心。超市係要同客人建立關係，先至會回頭再幫襯。唔似香港個啲超市阿姐咁冷漠。」

網民留言請教求職秘訣

亦有很多人向他請教求職心得，他都一一詳細回覆，本來他一直沒有表露自己在香港本身的職業，但有網民問他，他回答「人之患」（教師）。