網民呻年初二炭爐雞蛋仔開天殺價 被反擊撐車仔檔：真炭爐燒$80都肯買

年初二炭爐雞蛋仔開天殺價！盛惠$30/底

新年是一家人團圓的時候，而不少餐廳亦會收爐，若然餐廳有開，亦會收加二服務費。在這個百物騰貴的新年中，上年就有網友在Facebook群組「香港茶餐廳及美食關注組」中圖文並茂發文，表示看到一檔車仔檔專賣炭爐雞蛋仔，但是價錢需要$30才有一底，故讓樓主忍不住大嗌開天殺價。

網友反撐車仔檔！直言：$80/底我都照買啦

炭爐雞蛋仔並非處處地方都有，但一搵到便想掏出錢包幫襯。有別於坊間一般的雞蛋仔，炭爐雞蛋仔散發著濃濃蛋香，亦帶有微微炭燒風味，表面黃金香脆且內層軟綿濕潤，味道誘人。不過由於炭爐數量不多，故想食到美味雞蛋仔就要耐心等候，所以當一有炭爐雞蛋仔的出現，長龍少不免。

而當樓主大嗌炭爐雞蛋仔價錢開天殺價時，不少雞蛋仔迷卻憑3大原因反撐車仔檔收費合理。

原因1. 用炭爐來烤值回票價！

坊間用炭爐整雞蛋仔的店舖賣少見少，而且炭爐雞蛋仔需要一定技巧，既需要看顧炭火，不能烤燶，烤好後還要慢慢吹涼，令其外層變得香脆，少點心機都不能。故識食網友紛紛認為抵畀，更表示「四圍都食唔到」、「用碳爐直頭唔貴，買得過！」、「難得直炭爐整，$80都照買！」、「即場燒，咩都抵返晒！」。

原因2. 新年流流 抵畀佢賺！

在一家團圓的時刻，伯伯還推著車仔檔出來自食其力賺錢，已經值得欣賞。亦有網民認為新年派利是都派$20，而今次炭爐雞蛋仔僅賣$30， 還要手工製作，已是正常價錢，甚至是窮人恩物了！。

原因3. 街邊檔都是$20幾蚊

物價高昂的年代，掃街小食價錢已不是如以前一樣貼地，很多店舖賣雞蛋仔都要$20起跳。有網友指「旺角街邊都要$20 ， 「北角雞蛋仔都賣緊廿幾蚊啦！」、「入舖都要$48至52底，純粹炭爐燒，$30已經物超所值！」。

資料來源：連登討論區、Facebook群組@「香港茶餐廳及美食關注組」