海洋公園推出D24榴槤配荔枝/呂宋芒雪糕 可追加果肉！

海洋公園期間限定D24榴槤配軟雪糕 呂宋芒味＋荔枝味

海洋公園今個夏天將榴槤及其他當造水果Crossover，兩款新口味雪糕已登場，分別有D24榴槤配荔枝味軟雪糕同D24榴槤配呂宋芒味軟雪糕。

D24榴槤（80克）超足料，職員會將D24榴槤蓉大大羹擺上軟雪糕。D24榴槤蓉呈奶油狀，非常creamy，啖啖果肉香濃，甜味適中、不會膩口，絕對是榴槤控或初嘗榴槤的朋友都會喜歡的口感！配上兩款口味的軟雪糕：荔枝味軟雪糕入口非常清新，口感像雪芭，食落更有粒粒荔枝肉；呂宋芒味軟雪糕，芒果味非常濃郁，配搭D24榴槤蓉一起吃超夾！（官方溫馨小提示：雪糕分量大，建議2人共享一杯）

• 售賣地點：香港老大街（D24榴槤配呂宋芒味軟雪糕），近摩天巨輪（D24榴槤配荔枝味軟雪糕及D24榴槤配呂宋芒味軟雪糕）
• 持有全年會籍可享有85折優惠

海洋公園榴槤配呂宋芒雪糕 $80/杯

有眼利的港人發現海洋公園內居然有賣推出D24榴槤雪糕！從圖可見，有滿滿的D24榴槤蓉，配搭荔枝味軟雪糕或及呂宋芒味軟雪糕，一啖果肉一啖雪糕，非常滋味。而價錢則是$80/杯，若想額外多一份D24榴槤則要加$40 。

網民驚訝：估唔到海洋公園都會有榴槤雪糕食！

消息一傳出，眾人驚訝，一眾榴槤迷超開心，大呼「估唔到主題樂園都有得食」、「流住汗食榴槤雪糕，爽」。但另有網民就認為芒果及荔枝雪糕與榴槤不夾，怕會喧畢奪主。亦有反榴槤的網民就怒斥榴槤很臭，會影響遊玩心情，「成個樂園咪都係榴槤咪，好臭」、「唔想玩遊戲都要聞到榴槤陣味」！