討論區封柴灣為劣食之首引網民熱議 究竟現時邊區才是眾望所歸？

連登仔封柴灣為美食沙漠之首引議

有網民以「有無一個地區，好似柴灣咁劣食、食店咁貧乏」為題出帖，指只要過了晚上9時，柴灣就會無餐廳營業，就連一間大家樂都沒有，是美食沙漠。

網民認為整個東區的大型商場只有太古，而柴灣則缺乏社區發展，小商場又「三尖八角」，直批「有好多街市檔都做得好出色，除咗柴灣」、「無大家樂真係過份咗」、「柴灣垃圾地方，唔止食，交通又唔算方便樓又舊」。樓主更大踩市民追捧的柴灣新桂香，不少網民同意「新桂香以前就掂，宜家真係差好遠，同埋佢地會將啲靚餸留比熟客」、「已經好耐冇幫襯」。

另外也有維護柴灣飲食的意見如「我又唔覺得柴灣真係有咁劣，質素係好參差，但唔係真係冇嘢好食，同埋有啲餐廳係有少少貴」、「柴灣算多野食，只做領展商場區仲衰，嚟嚟去去都係連鎖餐廳」。

馬鞍山美食沙漠之首 被網民除名：至少有壽司郎

之前在Facebook群組「香港茶餐廳及美食關注組」中高票當選美食沙漠榜首的馬鞍山，網民批評區內只有大商場，千篇一律都是連鎖店或飲食集團，少有創意小店。但近年這小區發展迅速，網民認為「其實馬鞍山已經好咗好多，壽司郎都開了，只係無咩好食嘅小店」。

究竟現時哪區才是沙漠之首？

意見向來有正反兩方，帖文中有不少持相反意見的網友，反駁樓主柴灣並沒有其他地方的差，被提到的地區有將軍澳、青衣、康城、啟德、小西灣等等，「小西灣除咗mos burger之外真係諗唔到食咩好，好多時求其食香港人兩餸飯、大家樂就算」、「粉嶺南，只有M記+一間牛腩河」、「荔景一定係冠軍，唔好話劣食沙漠，直頭係食物沙漠」。