日式餐廳員工投訴食飯只得10分鐘 餐廳負責人回應逆轉網民意見:炒佢啦
日式餐廳員工投訴食飯只得10分鐘
該名員工日前在Facebook群組「香港茶餐廳及美食關注組」發文,指自己受僱於一家日本料理餐廳做兼職店員,每天上班時間為「12個鐘,早上11至3,夜晚6至11」,中間有3小時落場時間。樓主指日前收到餐廳指示「晚餐食飯連食煙加埋只可以食十分鐘」,樓主質問「我真系好想知十分鐘點食晚餐加食煙丫」。
又指餐廳指示是連看一看電話也不可以,指「如果屋企人有事就慘丫,搵到你公司都唔會比你睇電話聽電話,因為你哋做緊#鮨一日本料理嘅員工丫」,直斥該餐廳不人道,設立這些不平等待遇,還附上內部WhatsApp對話紀錄,可以看到一則由鮨一發出的訊息,寫到「各位,由今日開始,如果夜晚肚餓要食飯只可食十分鐘加埋要食煙嗰啲,如果超過十分鐘扣錢/亦不可以開電話睇,如果有發現扣一個鐘人工」,證明樓主所言非虛。
網民斥餐廳不人道:靠壓榨員工嚟賺大錢
不少網民看到樓主的分享後,都直斥餐廳不人道,指「有啲公司就係靠壓榨員工嚟賺大錢嘅」、「份工係做樓面定做奴隸」、「onX先做飲食,我寧願做保安好過」,有網民也認同「做保安都冇咁刻薄」;也有網民指樓主在Facebook出post沒意思,指樓主「去錯地方應該去勞工處」、「投訴去飲食業工會」,不過樓主表示「有得告都唔告丫,官字兩個口加上老闆三個口,窮就冇得好講」,只想上網讓大家知道餐廳如何「善待啲員工」;另外也有網民留言「辭職啦!仲做」、「既然咁刻薄,轉工啦」,樓主也回覆指原來自己已被炒!
![食飯 不少網民看到樓主的分享後,都直斥餐廳不人道](https://imgs.weekendhk.com/wp-content/uploads/2023/03/-2023-03-27-214307_131460416064228f93e0658-1024x984.png)
餐廳負責人現身回應:有人斷章取義
當大部份網民也認為餐廳有問題時,自稱是餐廳負責人的網民就留言,揭發事情的另一版本!
各位,我係餐廳嘅負責人,我只係想回應我哋每位全日工作的員工也是包兩餐福食,也是在工作的時間食飯。
有員工在工作時間額外要求進食,我們亦於營業時間額外提供了食物,要求盡快食完唔通係我哋錯?
負責人表示,餐廳一直都有提供一日兩餐福食給員工:「我哋所有人返(朝早)11點,11:30開始食早餐,之後lunch,我哋2:30之後可以食飯,直至6:00開工」,負責人又指「part-time夜晚係返6點至11點,通知了所有part-time可以在6點前返來提供一餐福食」,而樓主因為經常突然缺席中午更,然後晚更6點回來後,餐廳開始營業時「自稱肚餓而要求我們整給他食」,因此餐廳負責人就特此通知,在員工福食時間外只可以額外再給予10分鐘用膳時間,但負責人也強調「事實上係佢從來冇一餐飯只係食10分鐘」,指樓主說吃飯時間只有10分鐘是「斷章取義」。
而有關營業時間用電話的問題,負責人指「睇電話方面可能係我哋表達得差,但我唔相信有餐廳可以容許員工於營業時間睇賽馬直播」,更放上一張電話播放賽馬直播的照片做證,但樓主就反駁當時只是電話在靜音播放賽馬,他沒有看,「冇影響客人,亦冇影響員工工作表現」,但就被針對,因此覺得「pt有責任,老闆都有責任」。
![食飯 負責人指有人於工作時間睇賽馬直播](https://imgs.weekendhk.com/wp-content/uploads/2023/03/337403633_1927185484282671_6688024323714003571_n_1615732955642292940175d.jpg)
網民意見逆轉:支持店主炒人
餐廳負責人的澄清一出,樓主都有出來對質,指自己不知道兼職員工也可以享用福食,又指自己額外要求福食時間外提供食物,是兼職前輩教他的,負責人叫樓主提供該名兼職前輩姓名,樓主則表示「我最新,入面全部都係你啲人,包括ft同pt,你挽(玩)呢樣就知你有幾冇落台街(階)」,暗指自己是新人被針對。
![食飯 餐廳負責人的澄清一出,樓主都有出來對質,指自己不知道兼職員工也可以享用福食](https://imgs.weekendhk.com/wp-content/uploads/2023/03/-2023-03-27-213746_1435469157642292ee45079-1024x699.png)
但這個時候,不少網民都轉而支持店主,直言「見到餐廳負責人 comment,原來呢位員工因為比人炒左所以上來出po抹黑餐廳,大家唔好信」,又指餐廳落場時間3pm-6pm就是食飯時間,不存在只有10分鐘,樓主即回應「甘搞笑?晚餐係晏就3至6?」,反引來更多網民質疑他不懂得飲食業生態;最後更有網民指「支持店主炒X咗件垃圾」。大家又覺得誰是誰非?
![食飯 不少網民都轉而支持店主](https://imgs.weekendhk.com/wp-content/uploads/2023/03/-2023-03-27-214106_556146873642292af24aa3-1024x365.png)
資料來源:香港茶餐廳及美食關注組