畀$250去女僕Cafe不能摸手仔只有一杯魔法水港男怒斥：去夜總會好過啦

Apr 24 2023

香港有很多具話題性的主題Cafe，近日就有一間女僕Cafe就成功在社交媒體引起熱烈討論！事緣已到「花甲之年」的樓主覺得人一世物一世而到了女僕cafe 見識，指每人花了$250的入場費只獲得一杯魔法水，「手仔都冇得摸吓」，不少港男留言直斥與其去女僕Cafe倒不如「去夜總會好過啦」！

畀$250去女僕Cafe不能摸手仔

近日在FB「香港鳩沖咖啡關注組」討論區引起熱話的帖文是有關樓主到女僕Cafe的親身經歷，文中指「人一世物一世，我到咗呢個花甲之年見識到女僕cafe 嘅運作，其實幾勵志」、「現場見到真係幫到好多宅男，俾$250入場費包一杯魔法水，之後就係有D美少女同你傾偈，手仔都冇得摸吓佢哋都好開心，有個靚女同佢傾5個鐘或者捉下棋，如果想影相留念$250一張」，似乎從未到過女僕Cafe的樓主今回真的大開眼界。

女僕Cafe 樓主稱有宅男花$250與女僕「影相留念」，也見證了「有個靚女同佢傾5個鐘或者捉下棋」，而樓主稱主辦單位會再搞活動，「下個月個主題係1日人妻，唔好諗多咗，我估係煮餐魔法飯佢食」。 — 樓主稱有宅男花$250與女僕「影相留念」，也見證了「有個靚女同佢傾5個鐘或者捉下棋」，而樓主稱主辦單位會再搞活動，「下個月個主題係1日人妻，唔好諗多咗，我估係煮餐魔法飯佢食」。（圖片來源：FB@香港鳩沖咖啡關注組）

港男怒斥：去夜總會好過啦

帖文一出即有不少港男留言，大家似乎對花$250的入場費「手仔都冇得摸吓」而只獲得一杯魔法水而大為不滿，有網民稱與其去女僕Cafe，「男人老狗正正經經落夜總會玩下好過啦」、「搞埋啲多餘嘢，正正經經食餐飯好過」，不過也有不少人持相反意見，稱每個人各有喜好，「賣咩好唔好食真係唔係好緊要，其實女僕CAFE同迪迪尼一樣，等人好似去到另一個世界」、「佢哋好開心架，幾好丫，滿足到傾吓偈嘅需要」。

有網民指與其花大錢去女僕Cafe倒不如去夜總會。（圖片來源：FB@香港鳩沖咖啡關注組）

不少人認為去女僕Cafe只是賣一個輕鬆地方畀需要的人。（圖片來源：FB@香港鳩沖咖啡關注組）

女僕餐廳並非色情場所

不過也有曾在女僕Cafe的工作的網民指「女僕餐廳係非色情場所，一向都唔可以同女僕有身體接觸，就如你去一般餐廳食飯，你唔會摸去員工，坐飛機，唔會摸空姐空少。同埋你咁樣偷拍都係不該，女僕既收入其中一樣就係靠影相賣相，明白好多人未去過女僕cafe，但請大家明白女僕cafe，請大家要知道果度係有妹子服務員，可以傾計可以一齊玩下嘅餐廳，請互相尊重一下，感謝」，確實大家不要以有色眼光去看女僕餐廳，誠如中肯的網民稱「女僕cafe賣夢想賣輕鬆嘅地方，放鬆啲啦香港人～」