網民分享：飲完邊隻咖啡從始上癮？大讚平民價咖啡呢款最得｜飲食熱話

向啡迷取經，邊隻咖啡令人味蕾開竅？

有網民在香港討論區發問「想問吓大家係飲完邊隻咖啡令你鍾意咗咖啡？」，指自己初嘗咖啡只是「因為趕功課好眼瞓而買」，當時喝罐裝咖啡其實「唔知咩叫好飲」，及後跟同學去喝了第一杯「精品咖啡之後先知咩叫好飲嘅咖啡，以前只係覺得苦，同埋一定要落超級多糖同奶，飲過好飲之後真係返唔到轉頭」，樓主決定出帖向啡迷取經並問道：「大家係飲完邊隻咖啡同埋幾時開始鍾意咖啡呢？」孰料眾咖啡迷竟然沒提任何一間人氣精品咖啡店，大家最愛的竟然是性價比高的平民咖啡！

1.麥當勞咖啡

令一眾啡迷每日幫襯、唔飲唔安樂的竟然是連鎖快餐店麥當勞的咖啡，「自從喺老麥食早晨全餐俾錯杯咖啡我就愛上左老麥咖啡」、「去M記飲黑咖啡！正」、「性價比 ，冇得輸」、「麥cafe更加好飲，飲完麥cafe的咖啡唔會飲麥記普通咖啡」，睇返簡介原來這杯咖啡用上了自巴西、哥倫比亞及埃塞俄比亞的100%優質阿拉伯加咖啡豆，經過深度烘焙才調配出一香濃度適中的咖啡，價錢親民，仲不時有特價，除返開十幾蚊一杯，比起求奇一家咖啡店索價格40、50蚊杯，真係抵飲好多嘅。

2.UCC咖啡

來自日本的UCC咖啡擁有自營咖啡農園，從種植咖啡樹苗到採收、烘焙咖啡豆到出品都經嚴格控制，唔怪得一眾啡迷指「以前唔飲，試過UCC後日日飲，唔講究亦無研究，平平地，快速方便，每早飲一杯」、「現在自己用莫卡壼煲啡或瀘紙沖，方便又快便用UCC即溶，全都加黑白牌花奶」、「而家飲慣左UCC隻職人咖啡 (濾包掛耳果隻) 就唔再飲即沖囉」、「即沖咖啡就飲UCC 117，三合一唔會飲，除非無得揀」，特別是「UCC117」最得人歡心。

3.舊街場白咖啡

源於馬來西亞怡保舊街埸，據官方介紹指白咖啡由3種上等的咖啡豆：阿拉比卡，羅布斯塔及利比里卡烘焙結合而成，被啡友評為「方便，好味」之選。

4.雀巢金裝咖啡

念舊的啡友推介雀巢咖啡，「我飲來飲去，始終都係鍾意雀巢咖啡」、「可能真係平民口味，雀巢罐裝始終係飲得最舒服」、「有時喺屋企懶會沖包阿發或者舊街場嘅即沖咖啡，去旅行或者出trip住酒店會整杯房入面嘅Nespresso」，大家又有無心水平民咖啡推介呢？

有金舌頭的啡迷指明要喝日本版的雀巢金裝咖啡。（圖片來源：香港討論區截圖）