牛油果320卡路里亦可減肥！7大小技巧＋明星減肥餐單｜食是食非
牛油果7大迷思
亂食反而愈食愈肥，睇完大家用牛油果減肥事半功倍！
1. 香港常見的牛油果有邊幾種？
牛油果是樟科植物，與肉桂、月桂是近親，一年四季都有出產。香港最易買到的品種是Hass，產地甚廣：墨西哥、智利、澳洲、新西蘭都有。這種牛油果多呈橢圓形，外表粗糙凹凸，果肉淡黃，質地creamy，果蓉細滑，味道較香。另一款是Shepard，多來自澳洲，成梨狀，外皮青綠光滑，果肉厚實，帶堅果味道，用來切片做沙律或三文治，比較有咬口。
2. 牛油果卡路里高，點解可以減肥？
牛油果含不飽和脂肪酸（可降低壞膽固醇，預防心血管病的好脂肪），健康形象深入民心，聞說不少韓星，連岑麗香也以此做餐單，成功減肥。其實一個200g的牛油果，卡路里比一碗白飯更多。不過由於纖維含量高，吃罷會有飽肚感，能夠減輕再吃其他東西的意慾，故被視為減肥佳品。不過它同時含高熱量，始終不宜吃得太多，營養師建議每日半個就夠。
維密超模牛油果多士食譜
Victoria’s Secret元祖級超模Miranda Kerr即使誕下兒子，苗條身材亦從未走樣，Miranda除了靠健身外，亦自製牛油果減肥餐單。Miranda Kerr在訪問中表示，自己每天7時享用早餐，包括：一份牛油果多士，再配以伯爵茶。
牛油果多士做法
- 牛油果開邊去籽
- 半個檸檬榨汁，放入牛油果肉後試味
- 加少量鹽調味
- 用叉將牛油果壓蓉
- 將多士入多士爐
- 搽上牛油果醬，放上黑椒碎及芝士碎
牛油果籽茶做法
牛油果功效多，果籽亦可以沖茶，牛油果核助含豐富水溶性食物纖維，有助吸走體內多餘的油份和糖份。日本女藝人以牛油果籽沖茶，每天飲1公升或以上，兩星期後，成功減走約18磅，腰圍減掉約9cm。
基本材料：
牛油果核 1粒
水 1公升
1.先將牛油果切開並取出果核。
2.把牛油果切開6、7等份。
3.把切好的牛油果核及1公升水倒入煲內，再煮30分鐘。
4.牛油果水呈啡色即可。
3. 顏色深＝熟？
顏色不是分辨牛油果成熟的唯一標準，因為有些品種由生到熟，外表都是綠色。最好用手輕按，有軟腍感覺就代表開始成熟。亦可以觀察果椗，果椗很容易掉落代表牛油果已經熟透，可以食。買的時候，要揀外皮光亮，沒有破損裂痕就最好。
4. 點可以令牛油果快熟啲？
牛油果買回來，如果急於想食，可以用袋子裝起，再放蘋果、香蕉或番茄入去，存放於室溫，它們釋放的乙稀，就可將牛油果催熟。有說加入切片蘋果的效果最好，不消3天就完全熟透。牛油果一旦開始變軟腍，就可放入雪櫃，一兩天內就要食用。
5. 點解切開會發黑或起筋？
牛油果起筋，可能是樹齡太年輕；又或者牛油果放得太久，變得過熟。牛油果很多時來自墨西哥、智利等中南美國家，成本問題，多以船運，冷凍的過程不當，都會令牛油果發黑並出現黑筋。由於外觀完全不能辨別，有行內人士建議，盡量購買價錢較貴的「飛機貨」（約$12-17/隻），就可以避免。
6. 切開食唔完，點算好？
牛油果切開後會同蘋果一樣，出現氧化。吃不完的牛油果，可以在面層擠點檸檬汁或白醋、壽司醋，再用保鮮紙包好，放入雪櫃，大約可保鮮2日。不過最好當然盡快食用吧！
7. 運動前不能食牛油果？
研究顯示，在攝取高油脂食物後做高度運動，會感到疲累、空虛，使你在運動時的表現更差。
