Disney+價錢3大優惠｜香港Disney+收費最平$6月費＋教你每月倒賺$66！最多10個不同裝置使用、再平$100月費｜購物優惠情報

Nov 19 2021

Disney+價錢｜迪士尼自家影音串流平台「Disney+」於11月16日已正式登陸香港地區，平台除了有旗下的迪士尼Pixar動畫、Marvel系列電影、STAR WARS《星球大戰》三部曲、National Geographic等頻道外，亦會涵蓋近500部電影及超過7,500部劇集，仲有港產片睇，勢必成為現時主流平台Netflix的最大對手，不少用家也表明將「轉會」，即睇Disney+收費價錢懶人包！

Disney+教學懶人包

撰文：GW ｜來源：Disney、相關機構、新假期編輯部

香港Disney+價錢最平$6月費勢成Netflix最大對手

迪士尼向來陪伴了不少人的成長，尤其是動畫早已深入民心，多部經典之作即使一看再看也不會厭。而華特迪士尼公司在多年來也不斷收購多間大型製作公司，包括Pixar動畫、Marvel、盧卡斯影業、21世紀福斯等，令旗下的動畫及電影百花齊放，可謂咩都有得睇，因此不少網民斷言將由Netflix轉會Disney+。

Disney+價錢 Disney原創電影 — Disney原創電影（圖片來源：disneyplus）

Disney+價錢亦有劇集、星球大戰等 — 亦有劇集、星球大戰等（圖片來源：disneyplus）

Disney+價錢最標誌性的Pixar Ball and Lamp今次也首次在海港城出現，Size仲同位於美國總部的 Pixar Ball and Lamp 一樣大，要去打卡呀！ — Pixar動畫相信陪伴了不少人成長（圖片來源：新假期編輯部）

平台上除了有旗下的迪士尼Pixar動畫、Marvel系列電影、STAR WARS《星際大戰》三部曲、National Geographic等旗道外，亦會涵蓋近500部電影及超過7,500部劇集。在畫質方面，Disney+支援4K HDR解析度，每個帳戶最多可支援10位用戶資料和上下載影視內容，在同時在4個裝置上播放。

Disney+價錢多個裝置都將推出相應支援程式 — 多個裝置都將推出相應支援程式（圖片來源：disneyplus）

1.香港Disney+收費：月費最平$6

現時香港區Disney+收費計劃，月費為港幣$73，年費為$738。如前文提到，Disney+最多支援10個裝置，以年費$738計算，738÷12÷10=$6.15，如果10個屋企人/朋友夾份的話，即每個月大約$6元多小小，即可平睇Disney+！

不過要留意，Disney+只可供4個裝置同時串流播放，並可讓最多10個不同裝置下載影片，但並不能讓10個用戶同時睇串流影片的。所以如果大家真係想10個人夾份用1個帳戶嘅話，就要夾清楚使用時間，或者部分用戶需事先下載影片供日後觀看，因為最多只可4個用戶同時使用串流影片咋！

Disney+價錢 Netflix基本月費為，想要多用戶及升級畫質就要加錢了 — Netflix基本月費為$63，想要多用戶及升級畫質就要加錢了（圖片來源：新假期編輯部）

2.livi Bank優惠串流平台＋全港戲院8折

而Livi Bank亦於11月16日公布「戲迷」優惠，只要用livi Mastercard進行支付，無論係想喺串流平台睇片定係戲院買飛睇戲都有平！不過優惠回贈總額只有$100。以訂閱Disney+為例，訂閱年費計費$738，使用$100優惠後則需支付$638。

3.香港寬頻新客戶登記24個月Disney+
即送一年免費寬頻/5G服務

如果你本來手機/家居寬頻有換公司需求的話，可考慮以下由香港寬頻推出的優惠活動。只要登記24個月Disney+的用戶，即可享免12個月5G 20GB流動通訊服務，並且免每月$18元的行政費。以該計劃月費$278計算，贈送的12個月費=$3,336元（$278*12），扣減訂閱24個月的Disney+月費=$1,752（$73*24），($3,336-$1,752)/24，即24個月內平均每月仲可倒賺$66元。