5種情人節花束送禮推介！鮮花以外浪漫花語選擇 附價錢及花店推介

情人節花2023｜6種情人節送禮花束！超浪漫花語 附價錢及花店推介

情人節花2023｜1.鮮花（香港尚禮坊花店）

講到送花就一定即刻諗到送鮮花啦！而情人節送俾最愛嘅另一半當然要送上最浪漫嘅玫瑰花。尚禮坊花店提供唔同種類嘅花束，亦有唔同數量嘅玫瑰花可以買，例如代表天長地久嘅999枝紅玫瑰、每天愛你嘅365枝紅玫瑰、99枝玫瑰都有售，仲有唔同顏色嘅玫瑰同繡球花，靚得嚟又夠晒浪漫，而且平貴都有。花店仲提供即日訂花服務，最快2小時製作送達目的地，就算唔記得咗買花都唔使驚買唔到靚花！

情人節花2023｜2.永生花（I LOVE YOU 花店）

除咗鮮花之外，而家越嚟越多人都會揀送永生花，因為擺放時間長、保鮮又唔會凋謝，藉此可以表達你哋嘅愛情都係唔會有凋謝嘅一日！同時花束都係以浪漫嘅玫瑰及繡球花為主，擺放得耐又有同樣心意，女仔都一定冧爆！

情人節花2023｜3.氣球花（Cherish Florist花店）

近期超人氣嘅氣球花，都係另類表達心意嘅方法，除咗揀選用絲花鬱金香或者永生花玫瑰之外，仲可以揀埋送咩卡通人物主題嘅花！「氣球」其實係採用硬身嘅亞加力膠波波球，真正永不漏氣，可長久保存！女朋友收到嘅時候有花、公仔同氣球，簡直係幾重享受，一定愛不釋手，記者超超超推薦送俾鐘意卡通人物、少女心嘅女仔！

情人節花2023｜4.玫瑰熊花（Léselle花店）

網紅必備嘅玫瑰花熊由上年情人節開始超爆紅，玫瑰花熊以人造玫瑰製作，可永久保存！網站上仲有超多顏色選擇，真係好難揀呀，但係大家可以做吓功課，參考一下唔同顏色嘅玫瑰花語代表啲咩，例如白玫瑰代表純潔、單純，粉紅玫瑰代表初戀等。而且仲有正常同迷你size，俾女朋友攬住嚟打卡一定超靚！

情人節花2023｜5.公仔花（flowersdoll_studio_hk (IG Shop)）

如果覺得送普通花或普通公仔已經滿足唔到你嘅話，不如就考慮吓呢個公仔花啦，真係超特別同超像真，收到嘅時候一定超驚艷！每款都係客製，只要你想要咩公仔都可以砌成公仔花，有永生花、番梘花同PE花揀，真係好靚呀，大家不妨即刻send想要嘅圖案俾店主睇吓做唔做到啦！

情人節花2023｜6.透明花盒（Wemickit花店）

高級盒裝花同樣都係咁高貴，仲可以擺喺桌面都唔佔位置，又靚又慳位！除咗擺設之外，佢仲係好實用嘅飾物盒，仲可以訂製任何色系，記者覺得淺藍色超夢幻，如果想又靚又有用嘅話就一定要買啦！