淘寶買咩好｜盤點12大$20內必買收納好物！多功能紙巾盒＋摺疊污衣籃＋免安裝鞋架

盤點淘寶15大$20內必買家居收納好物

「淘寶」上至生活雜貨，下至古靈精怪嘅奇趣用品，衣食住行都顧及到，價錢仲要離奇地平，絕對係網上購物天堂！最近天氣凍大家都經常留喺屋企，有見及此記者為大家精選咗10樣$20內超實用家品，CP值超高，即睇推介！

官方網站：按此

1.多功能紙巾盒

價錢：約HKD$10

紙巾盒除咗放紙巾外，多用途一體式收納盒設計更可以存放文具及遙控器等小型雜物，CP值高！

購買連結：按此

2.衣物收納分隔格

價錢：約HKD$11

隨住衣物愈買愈多，好容易令衣櫃堆滿衫，唔美觀之餘仲好難搵衫，衣物收納分隔盒可以幫你輕鬆整理分類，衣物自然一目了然！

購買連結：按此

3.USB線桌面收納盒

價錢：約HKD$10

拖板經常會插上唔同電子器材嘅火牛，呢個時候USB線好容易炒埋一堆，唔想出現漏電情況，不妨入手呢款收納盒，充電桌面時都唔洗咁凌亂！

購買連結：按此

4.可摺疊污衣收納籃

價錢：約HKD$20

呢款污衣籃除咗可摺疊之外，更附送無痕掛勾可以隨處安裝，絕對係慳位首選！

購買連結：按此

5.衣物真空壓縮袋

價錢：約HKD$8

最近就嚟又轉季，準備好收埋埋啲厚重衣物未呢？對於衣櫃空間少嘅朋友，衣物真空壓縮袋可以稱得上居家必備恩物！即使係羽絨都可以將佢壓縮至一張海報嘅厚度，非常方便！

購買連結：按此

6.帽子收納掛勾

價錢：約HKD$12

戴帽控必買帽子收納掛勾，採用垂直懸掛設計，可以慳返唔少空間，拎帽更方便快捷！加上扣環式設計連接掛勾，穩陣唔易鬆脫！

購買連結：按此

7.免安裝折疊鞋架

價錢：約HKD$20

呢款免安裝折疊鞋架一打開就用得，非常方便！加上體積輕巧易收藏，就算攜帶去不同地方都無難度，如果要搬屋都唔洗怕無得帶走！

購買連結：按此

8.多用途收納盒

價錢：約HKD$8

呢款多用途收納盒提供不同顏色及大小選擇，無論放置桌面雜物、食物抑或係衣物都無問題，用途非常廣泛，鮮艷嘅顏色外型仲可以為家中環境增添活力！

購買連結：按此

9.玻璃密封儲物罐

價錢：約HKD$8

玻璃密封儲物罐用途同樣廣泛，絕對居家必備，可以用作代替即棄塑膠袋放零食或其他食材，相當環保實用！

購買連結：按此

10.自由組合收納盒

價錢：約HKD$12

呢款自由組合收納盒無論係喺廚房、浴室抑或睡房用都相當適合！款式提供有唔同寬度及窄度嘅選擇，可以根據收納尺吋需求自行配搭，加上正面以凹字形作把手，取物時更快捷！

購買連結：按此

11.水槽過瀘架連網

價錢：約HKD$16

廚房煮食時鋅盤經常會堆積大量垃圾，呢款過瀘架一套連埋即棄過濾網，可以輕鬆解決堵塞水槽嘅情況，清潔超方便！

購買連結：按此

12.360度可旋轉曬被架

價錢：約HKD$11

對於屋企空間唔大嘅朋友，好多時候都無位置晾曬大型衣物及被鋪，掛於窗外又怕落雨，呢款360度可旋轉嘅晒被掛架慳位之餘仲可以全方位晾曬，大大提升室內風乾速度！

購買連結：按此

13.垃圾袋固定夾

價錢：約HKD$0.5

有無試過買咗比垃圾桶細嘅垃圾袋搞到唔啱用呢？呢款超實用垃圾袋固定夾就可以幫你解決呢個問題，仲可以無限次使用，絕對係最高性價比榜首！

購買連結：按此

14.平鋪晾曬衣物籃

價錢：約HKD$13

呢款曬衣衫籃可以將衣物以平鋪式晾曬，除咗令冷衫變形機會減少外，更加可以提升晾曬衣物嘅私隱度，唔洗下下都俾人見到自己晾嘅內衣，非常實用！

購買連結：按此

15.磨刀神器

價錢：約HKD$20

一把好用嘅刀絕對可以陪你好多年，但一個好用嘅磨刀神器可以陪你一世！呢款4合1磨刀神器只需要用5秒就可以幫你把刀回復鋒利，勁方便呀！

購買連結：按此