港女大談搵老細包「面試流程」及薪金 原來曾上ViuTV自爆「飯局妹」
港女自爆搵老細詳情 申請條件仲有見面費
一位港女於threads自爆自己「搵老細經歷」，內容講述自己2年前看到一位幾千萬身家的「老細」想搵女女包養，而apply條件要先見面吃個飯了解下性格等。當事人就指自己憑著出色的p圖技術，成功apply了，更指見面費已有幾千元，而看到真人也覺得外型符合條件。
因體重「面試失敗」但有20萬收 自問瘦返大把「老細」 肯課金
不過正當「老細」想開條件包養該港女時，港女自爆自己因為做美容院長期坐又吃零食，體重已達56kg後，「老細」立即面色一沉，然後反問「有冇靚女介紹？」港女表示結果沒有任何事發生，大家做了朋友，因為港女人品ok的情況下也收到了20萬。但港女就不太高興，因體重感到自卑，更表示自己長期靠衣服遮掩她的肥肉，連屋企人都會笑她肥，這麼多年也減不到。最後港女感嘆如果自己瘦返10kg，應該很多「老細」 願意課金，不過她始終控制不到食慾，所以都係靠自己打工搵2餐。
網民：自信港女
港女分享完經歷後，不少網民留言認為56kg其實一點也不重「56kg有幾重？唔覺得好肥，其實睇比例」「56kg都好瘦喎」亦有網民震撼咁就有20萬，對內容有所質疑「厲害厲害 咁就有20萬」「包女要睇人品，貧窮限制我想像」「幾千萬身家點學人包養？」有網民認為該港女太有自信「自信港女」「又出post曲線話自己肥，其實想人話自己好瘦好fit，算x數啦你」「依家啲女出黎做都咁自豪周圍同人講」
事主回應指網民同佢唔係同一個認知水平 強調自己工作盡責
對於網民的評論，事主亦作出回應，表示大家覺得佢「做G搵食」，佢都無辦法，只是可以指大家不是同一個認知水平的層面，不會花心機幫人教仔，「袋錢入你哋」，強調做了咁多年，從來都無為了錢而去偷呃拐騙。工作上的佢非常盡責，老闆交給她的任務，佢都會做得妥妥當當。最後事主還奉勸大家不要滿腦子想佔女人便宜，不多想想自己的工作，多點OT賺多點生活費。
曾上《戀講嘢》自認係「飯局妹」出場5分鐘就畀193鬧
原來該港女曾上過ViuTV《晚吹-戀講嘢》叫Charlene。當時Charlene已大談做「飯局妹」點滴，陪客人吃飯，每次收4,000元港幣，入行因為當時事業愛情兩失意，所以就決定「唔拍拖，拍拖又浪費時間又傷心，不如都係直接講錢，冇拖冇欠咁。」出場唔夠5分鐘，193聽罷即刻開口鬧：
佢呢種係好癡線嘅愛情觀，都唔係愛情，因為一個感情搞到你走咗呢條路，雖然你係賺錢多過個男仔。
