港人將「鮨」讀成「芝」被指錯 懶醒網民教正確發音反被嘲：咪扮識啦
廣告
港人熱愛日本文化，不論是旅遊、影視、飲食方面都大受歡迎，而香港亦越來越多日本餐廳出現，相信港人對「鮨」這個字都變得相當熟悉。以前常有人討論到底「鮨」是如何發音，近日在Facebook群組「香港壽司刺身關注組」就有網民開帖文教「正確讀法」，更指「點解咁多人讀個鮨都讀咗個G字」？言論一出，惹來極大討論，網民更指帖主教錯晒人，「戥佢覺得尷尬」。
「鮨」的正確發音應是「芝」或是「藝」？
香港不少日式餐廳的店名都會有個「鮨」字，曾有人指「只要個舖名有個鮨字，成間舖就好似高級D」，但到底這個「鮨」字發音為何？有網民於Facebook稱「點解咁多人讀個鮨都讀咗個G字，正確發音係藝 lo」，指正港人讀錯晒。
港人不恥「識少少扮代表」：我讀鮨喎
港人看到此Post後，指「此Post必火」，不過是怒火的火，大量留言指「有邊讀邊，鯖-青，鰂~則，鯏~利，鮨~旨」、「好心就唔好懶醒啦，讀啱會好食D？」、「見到個post 都戥你尷尬，要論最多港人讀錯嘅日文漢字，駅先係頭位，你又講吓點讀」、「我以前讀『奇』，人地話係讀『之』，而家樓主話係讀『藝』，媽我好亂呀」、「話人讀錯？唔好識少少扮代表」、「不如讀番個日文音會唔會好啲？ 人哋本身係日文字」。
網民：呢個字係有4個讀音㗎
有網民看到帖文後，即翻查中大漢語多功能字庫，當中指「鮨」有4個讀音，當中包括「奇、藝、芝、子」，更補充指「但如果係咁執著要讀返正確讀音嘅話，咁就要讀返日文讀音，鮨呢個字係すし嘅漢字，讀音即係Sushi」。
「鮨」原來等於呢個意思！
至於「鮨」這字，在日文而言，代表「壽司」，而在《爾雅·釋器》中，「魚，謂之鮨」，用作表示「魚」的另一種稱呼。
關鍵詞
網絡熱話
圖片來源：Facebook@立鮨 Sushi Tachi、漢語多功能字庫網站、Unsplash@Fadya Azhary
