有片!搭香港快運被要求量度行李 男乘客發爛鬧地勤 網民:影衰香港人
廣告
不少航空公司都會限制行李的大小,為了量度行李的尺寸,因此乘客在上機前都會把行李放置特別的行李架上。近日,港男大鬧日本機場的影片在網上被瘋傳,有指他因為不願意量度行李的大小而與香港航空的地勤起爭執。
港男搭香港快運被要求量行李 發爛渣為難大肚地勤
近日,有網民在Threads上以「師兄唔好影衰香港人啦」為題,並上載一條約15秒的影片,當中見到一名白衣男子非常兇惡向2名香港快運的地勤人員呼喝,並指著裝有行李的行李架。2名地勤面對如此情況就用流利的普通話向對方說到:「你把行李拿上來,我幫你貼(限重登機標籤)好嗎?」,不過男子的情緒卻更加失控,就操着有廣東話口音的普通話反擊大叫:「你幫我拿出來啊!」,隨後他不斷重複這說話並拖走行李架。
而上載這一條影片的網民就補充道:「高松機場啲地勤叫條友度登機行李,條友唔肯『話香港去日本嗰程已經度過』地勤跟規矩做嘢,條友就發爛渣,死塞爛塞拎唔返出嚟,叫個地勤幫佢拎返出嚟(難為人地大住個肚)最後call警察嚟,條X頭死死地氣自己搞返掂」
網民對事件反應激烈
影片出街後引來不少網民熱烈討論,大家除了怒轟男子行為非常不當,更讚大肚地勤EQ相當高:「畀錢搭廉航咋…你大晒咩!以為自己搭私人飛機呀?」、「呢個地勤我認得佢,雖然講普通話,口音偏向上海人,但好有禮貌,要多謝佢嗰年畀我拎羽毛球拍上飛機」、「其實你好禮貌、唔太離譜既,員工都隻眼開隻眼閉,你喺度玩嘢人地咪揸正嚟做囉,但揸正嚟做都係佢職責」、「等警察嚟扣留佢,跟手blacklist佢,等佢再自己諗點返香港」、「其實呢啲人咁大氣焰,大可以搭傳統航空,又要慳錢又要唔守規則」。
香港快運行李政策
根據香港快運的行李政策,所有登機行李必須符合指定尺寸
- 必須能放入座位上共用置物櫃
- 不超過 56 (長) x 36 (寬) x 23 (高) 厘米 (22 吋 x 14 吋 x 9 吋)
圖片來源:香港快運截圖、Threads截圖