打工仔被拖糧 見工反被HR問「係咪你有問題」 終用1舉動秒殺對方
廣告
見工面試一向是打工仔關注的事情之一,只因他們不但需要面對未來上司或老細的提問,更要應付人事部同事刁鑽的問題和咄咄逼人的態度。早前,一位打工仔就在網上分享見工感受,直指HR劈頭就問他「上一份工點解辭職」,而當他坦承回答指因為「被拖糧」後,HR竟反怪事主並問出一驚為天人的問題,不但即時令事主取回所有文件走人,更獲大批網民揚言HR這個舉動無疑是「幫手慳時間」、「HR咁衰間公司都唔會好得去邊」!
打工仔被前公司拖糧毅然辭職 新工HR面試反問:「你被拖糧唔覺得係你自己有問題?」
香港人出名鍾意返工,因此假如突然裸辭的話,十有八九因為難忍舊公司的某些人和事。早前,一位打工仔就在裸辭後重新出發搵工,而當他去面試時,不意外地被HR詢問「上一份工點解辭職?」,而事主亦十分坦白地回應指因為「拖糧,每個月都遲十日八日先出。」原以為這條問題只是簡單的開場白,豈料HR的回答竟十分驚人!
![HR 事主因被前公司拖糧而辭職。示意圖,非當事人)](https://imgs.weekendhk.com/wp-content/uploads/2023/06/whatsapp-image-2023-06-12-at-16.13.50-1_13174608626486d3e1668bd-1024x576.jpeg)
HR聽畢反問1問題 事主鬧爆:有衝動拎杯水淋佢
HR聽完事主指因為被「拖糧」而離開舊公司後,竟即時反問事主指「有冇諗過你自己有咩問題,所以公司至會拖你糧?」事主指自己當時的第一個反應是極度愕然,不解為何HR會「叫畀人拖糧嘅受害者反省」,隨後便開始感到生氣,更形容當時枱上有杯水,他「有少少衝動想一嘢淋埋去」,然後以其人之道還其人之身,反問HR「你有冇諗過自己有咩問題,所以我先會淋X你?」
![HR HR的問題令事主「有衝動拎杯水淋佢」。示意圖,非當事人)](https://imgs.weekendhk.com/wp-content/uploads/2023/06/whatsapp-image-2023-06-12-at-16.13.50_14494207076486d3e322846-1024x683.jpeg)
事主即取回資料走人 網民力撐:面試就見真章都係好事
幸好事主當時十分理智,僅在聽完HR的反問後「冷笑咗一聲」,隨後問HR取回他帶上去見工的正本reference letter然後走人。當他取回所有重要資料離開時,HR更在身後追問「你去邊?未in完喎!」事主揚言HR「咁嘅問題都問得出」、「呢份工唔見都唔使恨啦」,而網民亦大讚事主的舉動「有勇氣」,只因「拖糧係違法」、「佢點解問得出?」,更有網民笑稱他是「良心HR」,只因他用盡方法「暗示呢間公司都會對佢地覺得有問題既員工拖糧」,絕對是「用心良苦」。
![HR 網民力撐事主冷笑後即走的行為。示意圖,非當事人)](https://imgs.weekendhk.com/wp-content/uploads/2023/06/whatsapp-image-2023-06-12-at-16.13.50-2_896128516486d3e229820-1024x576.jpeg)
資料來源:《辦公室日報》
圖片來源:電影《合約男女》劇照、TVB《愛·回家之開心速遞》劇照、ViuTV《IT狗》劇照