港女遠赴法國影結婚相慘遇垃圾攝影師 力數8大問題狠批衰過手機影

港女影Pre-wedding慘遇垃圾攝影師

一位港女於threads分享一篇「警世文」，指每個人應該都對Pre-wedding有一定的要求，認為呢輯相是除了結婚當天之外，是一生人中最重要的照片。但非常不幸地自己遇到不好的攝影師，她形容為「終極垃圾攝影師」因為那名攝影師的技術似乎相當欠缺，她更感覺他只是買了一部貴的相機然後聲稱自己是攝影師。女表示整個拍攝流程安排得非常不好，而且無論是攝影的角度或是後期修圖都「不入流」。

事主指看到整輯照片真係「嬲到喊咗」，攝影師還表示自己已盡力，說了幾個抱歉就完事。她指自己真係花了錢、花了心機去打造造型，更花了許多時間作準備，最後卻獲得了 一個悲慘的經歷以及不堪入目的相片。所以為免再有新人遇到和她同樣的事，她決定將事件公諸於世。

力數攝影師8大問題

事主更力數攝影師8大問題：

留意位一 : 吾上心 三催四請先肯開會
留意位二 ：無做好資料蒐集 planning差
留意位三 ：Time management 極差
留意位四： 承諾有嘅道具 都係無嘅
留意位五： 相片粗製濫造 量多但低質
留意位六： 精修馬虎 (有圖可分享 我仲幫佢嘅作品改咗名)
留意位七：無交帶 遲比相 吾問影都無
留意位八: 佢唔覺得自己有問題 仲要屈返我

P圖P到離埋罩？港女起爆笑

事主分享7張照片還加上caption，第一張竟然將港女修成離罩，港女不禁表示「係咪要x先呢下，精修咁L樣係咪唔尊重先」caption為「徵收胸部」。第2張港女於羅浮宮拍攝，照片明顯偏斜，港女幫作品改名為「羅浮宮微醺」表示不知道攝影師是否喝醉了，把照片拍到斜了。

此外，不少照片都被事主形容都修得非常馬虎。

網民：求其到過美圖秀秀

不少網民也形容照片非常誇張，更指自己用iphone加腳架更拍得比這位「專業攝影師」好「我攞部iPhone加個腳架都影得好過佢」、「平均每張1分鐘」、「p得求其到衰過美圖秀秀wor」、「用AI執相」、「啲caption以為係瓊姐去影」、「似俾人玩多d」、「咁都夠膽收人錢做生意」。

有網民就提出建議：「收返d相淘寶執$2張搞好啦」、「根本拎 Raw 自己修最X安全，呀叔當年影 Pre-Wedding 寧願加錢拎原圖都唔駛佢執相。學下 PS 你一般執相根本唔係問題，來來去去都係個幾個 Function，最多都係用多小小時間」。

勁多苦主現身 有個影到紙紮公仔咁！

亦有不少苦主現身指自己成輯相對焦不到人臉以及有苦主影到滿臉通紅似足紙紮公仔！有網民爆料該名攝影師是買follower「嚟條友不嬲乜都唔識 買follower靠pr 行家成日都笑x佢架啦😂終於有人公開講了」