女生著「真理褲」出街惹爭議 被狠批有損市容衰過瑜伽褲:同無著無分別!
廣告
香港女生的衣著常備受討論,繼瑜伽褲不被欣賞後,連「真理褲」都被放上網公開討論。Facebook群組經常有人貼出女生穿「真理褲」出街的照片,並指「其實真係想知點解有人會著呢條咁既褲出街….好肉酸」,結果惹來激烈討論。
港女穿真理褲出街被指好肉酸:完全唔明點解著出街
女生穿瑜伽褲出街常被指肉酸,而現今又有第二款女生熱愛的短褲被封為「衰過著瑜伽褲」,正正是「真理褲」。在Facebook群組有人上載了2張港女搭港鐵的圖片,相中女生穿著真理褲(即大腿旁微側開的一種運動短褲」,結果被人偷拍放網,更道:「其實真係想知點解有人會著呢條咁既褲出街….好肉酸」。而事實上,真理褲相當受港女歡迎,嘉瑩、米露迪等女神級都曾有這種衣著打扮。
![真理褲 瑜伽褲 港女穿真理褲被指好肉酸(圖片來源:Facebook@好Fashion呀你)](https://imgs.weekendhk.com/wp-content/uploads/2023/10/whatsapp-image-2023-10-25-at-18.35.53_7448968096538efa2af205.jpeg)
網民:真係著完=無著
言論一出,網上惹來熱烈討論,指「成日喺街見到女仔咁著都覺得好怪,點解好地地要著運動褲出街,同瑜伽褲一樣道理」、「條褲又短又開條邊,一陣又易走光,人哋望又話畀人偷望」、「真係唔知邊忽靚,好地地著條短褲唔得?」、「瑜伽褲就馬蹄現形,真理褲就蜜桃現形」、「著完好似咩都無著咁,不如唔好著,都無分別」、「好地地著條短褲唔得嘅,又要露呢樣,又要露嗰樣」、「仲衰過瑜伽褲,成條睡褲咁」、「著出街根本係影響市容」。
![真理褲 瑜伽褲 (圖片來源:Instagram@melomelojai)](https://imgs.weekendhk.com/wp-content/uploads/2023/10/2022-04-01-5.16.46_1238529676246d03f649a7-771x1024_7009304026538f4892e73d-771x1024.jpeg)
女生:運動褲又有咩問題呀?
不過有更多人反斥「講呢樣嘢嘅人更有問題」,指「咪又係運動褲一條,有咩問題呀」、「關你X事咩,學校短運動褲上PE堂都係咁㗎啦,我覺得你講呢句嘢仲肉酸囉」、「著得舒服咪得,人哋著出街都要比你批鬥?你無著過運動褲出街?」、「真係睇唔出有咩奇怪,你可以表達意見但唔可以偷影人哋囉」、「你著咩褲咁巴閉?一條好地地運動褲都要畀人話?」、「著呢樣又唔得,著嗰樣又唔得,著乜使理你?」、「去跳舞都大把女仔咁著,自己見識少就收聲啦」、「關你咩事,個個都要T恤牛仔褲」?
![真理褲 瑜伽褲 (圖片來源:YouTube@美麗妄娜)](https://imgs.weekendhk.com/wp-content/uploads/2023/10/2022-04-01-6.44.56_17266318346246d7c2e7085-1024x581_13185656096538f80506525-1024x581.jpeg)
圖片來源:Facebook@好Fashion呀你、Instagram@melomelojai、Instagram@kaaying219、YouTube@美麗妄娜