港鐵港媽餵BB食麵包 乘客咁樣做反被網民狠批 留言正反辯論兩面睇

港鐵港媽餵BB食麵包被影相公審

日前有網民在Facebook群組「將軍澳主場」分享相關照片，見到1名媽媽坐在港鐵車廂內座位上，BB坐在她的腿上，媽媽一手拿著麵包，另一手撕下小塊麵包餵BB食；另一張照片就見到，地上散落著不少麵包碎，令坐在旁邊的樓主對此感到不滿。樓主透露，當時已即時向該名媽媽指出「車廂內嚴禁進食」，但對方感抱歉回答「唔好意思，佢（嬰兒）有啲肚餓」。

網民狠批樓主缺乏同理心

批評樓主缺乏同理心

帖文引來網民熱議，有不少網民批評樓主缺乏同理心：「規矩係死，人係生」、「畀啲同情心啦」、「BB都批鬥」、「正一道德X，關你咩事，又唔係跌到你成身都係」、「大人就話可以忍到餓啫，BB肚餓就要畀佢食㗎啦」、「睇相都知bb好細個？ 一係聽住佢喊直到落車，一係就望住佢食，自己揀囉」。

支持遵守港鐵規定

但亦有網民認為不論任何年紀都要遵守「不可在車廂內進食」的規定：「成日咁長，死都要喺呢幾分鐘食」、「個個話肚餓都可食嘢，咁要規條嚟做乜」、「守規矩幼稚園都有教，咁如果小朋友食得，即係大人都得啦，咁做咩要定規矩？」、「我覺得個媽媽都有少少問題，個bb咁肚餓，上車前又唔畀佢食嘢」、「以前小朋友細（個）坐車前，我會先帶佢去洗手間，飲水同食飽嘢，我想教小朋友守規矩同要有公德心，唔希望小朋友坐車肚餓口渴騷擾到別人」。

目擊者現身說法

其後，有疑似同車乘客的網民把事件分享至Threads，這名網民透露當時目睹了整過過程，正當他想拿紙巾幫忙清理麵包碎時，已經有人搶先一步幫手，大讚熱心人的舉動「我覺得好正！」他同時詢問大家，面對這種「一邊係rules，一邊係reality；一邊係public space，一邊係湊仔嘅辛苦」的窘境時，作為媽媽、作為乘客、作為路人的身份是，大家又會如何做呢？