港鐵擬推寵物友善措施設「寵物車廂」 網民反應兩面睇 有人支持有人擔憂

港鐵疑推行寵物友善措施

有消息指出，港鐵公司目前正積極研究寵物友善措施，其中包括允許乘客攜帶寵物搭港鐵、設立「寵物車廂」等，據悉最快上半年有定論，會重點探討容許乘客攜帶寵物乘搭港鐵的可行性。

事實上，港鐵內部多年前曾就設立「寵物車廂」進行過研討，當時計劃是首階段推行只限非繁忙時間或假日容許寵物乘車，及後再擴展到平日非繁忙時間乘車，或只限在新界區指定港鐵路綫如屯馬綫，推行「寵物車廂」，但最終考慮到操作上的困難之處，計劃未有落實。

相關文章：九巴推全新寵物巴士路線！新增港島/屯元天/大埔 最平$60全日任搭

港鐵作出回應

港鐵其後作出回應，表示公司致力提供安全、可靠和舒適的鐵路服務，需考慮及平衡不同因素，會繼續與不同持份者保持溝通。

而根據《香港鐵路附例》第28條，除港鐵公司行使其絕對酌情決定權許可或准許者外，任何人不得將任何動物或其他禽畜帶進或帶上鐵路處所任何部分（陪同失明人的引路犬則不在此限）。任何人違反港鐵附例第28條，即屬犯罪，可被判罰款2,000元。

網民反應兩面睇

消息一出後馬上引起坊間熱議，有網民表示支持「一早要有啦」、「一早就應該有」、「非常支持，好開心見到呢一個轉變，希望之後所有主人同毛孩可以多啲出去唔同嘅地方玩」、「最好有專用車廂，費事到時候啲人唔中意嗰啲又話有細菌又會話污糟，同埋咁迫，分開可以各取所需」、「用袋袋住就可以，始終太多人太迫，唔係個個都接受小動物」、「早就應該有啦，只要入袋，入車仔就可以比搭」、「其實大陸的商場都有可以帶寵物啦，香港好落後」、「快d la, 歐洲e方面做得超級好」、「當然贊成啦！但都要喺顧及其他唔養狗怕狗或寵物嘅人士，做主人一定要自律！」、「最好指定車卡 唔介意寵物的就可以選擇一齊用」。

但亦有網民不支持並表達其擔憂「到時候會唔會有人亂嚟話『呢籠雞』都係我養嘅寵物，然後拎上車」、「唔應該批准的！與寵物近距離生活是個人選擇，你抱你錫你嘅事，但寵物本身很難避免帶給寄生蟲、動物專屬病毒的風險，要轉介這些風險給其他同承交通工具的人，這是不合理的！」、「蛇蟲鼠蟻貓狗的寵物車廂」、「人都唔夠座」、「最後成地便便」、「發神經！堅決反對！」、「本人冇任何歧視寵物及主人，但係現實還現實，人都入唔到車，要等至少兩班車，仲要寵物共容。真係返工坐車都受罪」、「自己有本事賺錢養車養寵物， 唔應該迫其他人遷就你」。