港鐵4男子企呢個位被公審唔讓位 網民一面倒怒斥：企都唔得？

港男公審站立乘客不讓位

該名港男Threads以「可以狠批我唔夠膽伸張正義 但同時批埋三位朋友」為題發帖，他分享一張照片，相中見到港鐵車廂內稍微擁擠，1名女士推著BB車在車廂中間扶著扶手柱站著，另外有4名男乘客依靠在車廂內的「多用途空間」，4人均被樓主用綠色圓圈標示出來，公審他們不讓位，引起網民熱烈討論。

網民一面倒「圍攻」

不過樓主的帖文就遭到網民一面倒「圍攻」，紛紛指責樓主「企都唔得？」、「黐到咁！連企位都要讓」、「真係慘，企位都要俾人鬧」、「咁你不如加道鐵閘，淨係放輪椅人士同推BB車入去？乜都批一餐」、「唔係𥄫女又無偷拍、唔係唔讓坐、BB車夠晒位擺。如果呢個位唔可以企人，咁即係出入口位一定更迫，BB車直頭車都可能上唔到 。而且如果想BB車泊埋一邊，我相信推緊車位女士一開口就有人讓位。你放人哋張相唔代表你正確」、「對地鐵有ptsd啦，日日偷拍人哋擺上網」、「坐又批鬥企又批鬥」、「不如出關愛列車啦麻X煩」、「睇到咁多人鬧就放心了」；另外有網民教路「身為一個奶爸，推BB車上地鐵，直接行過去講：唔該謝謝，我想擺一擺架BB車，方便其他人上落」。

而面對網民圍攻，樓主已刪去帖文，惟圖片早被截圖繼續在網上瘋傳。

港鐵解釋「多用途空間」

根據港鐵網頁，所有列車均設有「多用途空間」，以方便輪椅使用者和攜帶嬰兒車及行李（符合指定尺寸規定）的乘客」。