港女質問內地人「唔識講唔該」? 離譜經歷惹多人共鳴:通常用1招對付!
廣告
旅行中去到一個陌生地方,迷路是正常不過的事,與其不斷網上找路不系人也會選擇直接「問路」,不過有禮貌地問是基本事。日前有港女於社交平台發文,直斥內地人問路時極沒禮貌,當作是理所當然似的,帖文一發出即引起不少港人共鳴,更有網民分享一絕招即可解解悶氣!
港女不解為何「內地人咁無禮貌」:被佢哋問路問到嬲
近日有香港女生於Threads上發文,指「啲大陸人真係好無禮貌,第一句: 『哎,耐克在哪啊』,我答佢我不知道,佢皺眉走,好嬲,問嘢識唔識用請問/唔好意思開頭?」從字裡行間已能感受到女生當刻的心情。
![港女 內地人 (示意圖,非當事人)(圖片來源:TVB《愛回家之開心速遞》)](https://imgs.weekendhk.com/wp-content/uploads/2024/05/photo-2024-05-03-01-11-51_492664986633c9ab28826-1024x576.jpg)
而她的帖文發布後,旋即引來熱議,更有不少人分享類似經歷。留言指「我仲勁啲,經過佢一嘢扯住我手臂拉停我,佢問我冠軍(Champion)喺邊,嗰時好善良嘅我未識佢地啲超難聽譯名,就答唔知道,但仲想幫佢哋google,跟住佢哋下一秒就笑我唔識冠軍呢個佢哋以為嘅名牌,笑住我咁走人」、「佢哋係咁,無開場白都算,就算話咗畀佢聽點行,佢哋都係就咁走開,零句唔該多謝」、「佢哋最常用嘅開場白係:『哎』」、「試過尖沙咀大聲問我K11喺邊,我問佢哋邊間K11,竟然發爛渣話 『我怎麼知道』,我回返佢話我也怎麼知道然後即走」。
網民:而家一定用絕招對付佢哋
而有網民指,面對沒禮貌的遊客,自己通常都會答「不知道」,但到後來發現他們變本加厲,於是會再用「絕招」,留言指「一般我會指反方向」、「呢啲無禮貌嘅人,一定係點佢行反方向對付佢哋,等佢哋行多啲」。不過亦有網民指「佢哋根本唔知有呢樣嘢」,指自己「做零售行業,佢問我有冇折扣,我話不好意思我們沒有做折扣,跟住佢答我有什麼不好意思的。我覺得佢哋理解嘅『不好意思』同我哋嘅好唔同」。
![港女 內地人 (圖片來源:討論區截圖)](https://imgs.weekendhk.com/wp-content/uploads/2024/05/photo-2024-05-03-01-11-52_12185259576633c9be94bee-1024x1006.jpg)
圖片來源:TVB《愛回家之開心速遞》劇照、討論區