東張西望|天瑜爸爸確診肺癌死前為愛囡討公道 發現2線索踢爆醫院有隱瞞
天瑜爸爸確診肺癌堅持討回公道 上《東張》證明醫院擅改報告不合理
8歲的天瑜2020年在瑪麗醫院接受手術,因遇到醫療事故而變成植物人,她爸爸周先生3年來四出奔走,除了近乎天天到醫院探望天瑜,陪她聊天打氣,更費心的是替愛囡找尋真相。惟最近周先生發現自己被癌症纏身,面對天瑜只能扮作無事,但不知是否沒有見到爸爸數天,躺在病床上的天瑜有點扭計般,不斷發出「嗚嗚聲」。周先生為了哄囡囡,只好更她說「爸爸好掛住你,爸爸同你一樣,都係畀隻螞蟻走咗入身體,爸爸會比你更堅強,做得更好,我哋兩父女一齊努力加油,妹妹加油」。
![東張西望 天瑜爸爸](https://imgs.weekendhk.com/wp-content/uploads/2023/08/whatsapp-image-2023-08-31-at-17.14.11_147754445464f05a0bc4b8c-1024x576.jpeg)
周先生發信追問醫院詳情 結果只有回信卻未有回答!
回想天瑜未發生事情前,爸爸曾問囡囡:「你好返最想做D咩?」,天瑜當時還天真地笑著說:「我想去動物圓,餵長頸鹿食嘢」,兩父女抱有希望,笑得燦爛,但想不到下一刻天瑜竟只能躺在床上。周先生指由出事至今已過3年,自己從來沒有放棄過一刻去向醫院尋求真相,不停地發Email和寄信追問詳情,但醫院一方仍然只有回信但沒有回答。「我每次都問佢幾條問題,佢每次都只係講官方說話,又或者只係覆一條問題,而嗰條問題就係佢哋無做錯事嘅問題。但至於其他佢哋『否認』犯錯嘅部分,就一概唔答,或者支吾以對」。
![東張西望 天瑜爸爸](https://imgs.weekendhk.com/wp-content/uploads/2023/08/-6-45-screenshot_22510766364f05b594d0e7-1024x576.png)
手術報告被發現剛除重要數據
弱者要對抗強者,唯一的方法就是鍥而不捨,周先生更發現醫院提供的兩份報告原來曾經改動過,但並無一個合理解釋!周先生手上有一份分別於手術當日(21日)和29日的醫療報告,在仔細對比下發現其中一項資料被完全刪除。「喺第7,第8頁度,當時醫生指自己喺某時段畀咗500毫升葡萄糖水同鹽水天瑜,清楚列明幾點注入、幾點注入完成、份量、藥名、濃度都清清楚楚,但到另一份29日嘅報告竟然完全刪除咗呢一個數據,我覺得好奇怪,被刪除嘅數據顯示,注射時間正係天瑜心跳停止跳動前一小時,而家連記錄都無咗,講唔過去。」
![東張西望 天瑜爸爸](https://imgs.weekendhk.com/wp-content/uploads/2023/08/-9-41-screenshot_119308322864f05b1669544-1024x576.png)
周先生指有教授曾表示「可能係畀多咗水而令天瑜出事,報告就減少個水分」。周先生發現破綻,於是再追問醫院一方,醫管局曾書面回覆他指醫生可更改記錄,強調資料絕對沒有隱瞞。另外亦表示醫生當時太忙而無法即時做記錄,於是在手術後8日再補填資料。這個說法更令周生不能接受,事關公立醫院醫生一日要看管多位病人,8日來隨時已醫治過百名病人,「有咩可能8日後突然記得自己當時用咗咩藥,咩份量,8日後嘅記憶會準確過即時?我真係好質疑」。
![東張西望 天瑜爸爸](https://imgs.weekendhk.com/wp-content/uploads/2023/08/whatsapp-image-2023-08-31-at-17.31.44_77583191764f05e0a95ca8-1024x576.jpeg)
醫院稱當時忙著搶救 周先生:當時天瑜根本未有心藏停止跳動
而另一個疑點則是醫院表示事發當時醫生忙著搶救,但周生指「事實上2點幾佢哋畀藥天瑜,當時佢係無問題,心臟都無停止跳動,係到後來接近4點先心臟停頓,即是注射被剛除的物質後一小時才發生,所以醫院解釋根本不成立」。
![東張西望 天瑜爸爸 天瑜接受手術前經常哄笑家人](https://imgs.weekendhk.com/wp-content/uploads/2023/08/whatsapp-image-2023-08-31-at-17.14.42_52220603164f05db0a447a-1024x576.jpeg)
大律師陸偉雄:十分可疑!應啟動刑事調查
而大律師陸偉雄指這件事十分可疑,認為現時有鐵一般的事實放在眼前,確實有資料示過曾發生這件事,「咩都無做過咁點解有呢個資料出現先,當日點解有輸入電腦?係十分可疑」。他指應啟動刑事調查,如果知道是美麗誤會,就還你(醫院)一個清白,否則有需要負責任。不過陸大狀提醒,事件已過3年,記錄有機會流失,應儘快報警處理。
![東張西望 天瑜爸爸](https://imgs.weekendhk.com/wp-content/uploads/2023/08/-10-14-screenshot_41721455564f060a93619d-1024x576.png)
對於周先生而言,除了天瑜,家中的太太和兒子都是自己擔心的一部分,「我唔怕死,但我怕自己有咩事走咗,老婆仔女點算呢」。他指希望在自己走之前可把所有知道的事情說出來,結果雖不由他控制,但至少公眾知道事實,「我上到天堂最少都對得住個女」。
![東張西望 天瑜爸爸](https://imgs.weekendhk.com/wp-content/uploads/2023/08/-6-28-screenshot_187653881264f060cdb1ee4-1024x576.png)