換新鈔首日網上瘋傳銀行女職員 大讚靚女似足某位可愛網紅 原來係呢間分行做
廣告
臨近農曆新年，本港3間發鈔銀行之分行由即日至1月28日，將提供新鈔及迎新鈔供市民兌換。今日《有線電視》到訪旺角匯豐銀行分行進行拍攝，新聞片段中的1位銀行女職員引起了網民熱烈討論，有網民大讚職員靚女「少見咁高質！」
匯豐銀行女職員成網民熱話
有網民在Threads上以「大家快啲去旺角滙豐換新鈔」為題分享截圖，圖中見到一名黑色衫市民在旺角匯豐銀行分行排隊換新鈔，其身旁就有一名年輕貌美的女職員提供協助，帖文隨即引起網民熱烈討論。有網民大讚職員靚女「少見咁高質！」、「都幾甜美，起碼唔係怪怪整容樣或重妝」，有網民就笑言「影到我,pls del」。不過仍有網民表示好普通「咁都有興趣？」、「有眼耳口鼻就衝」、「有病 怪不得咁多毒X」、「未見過女？」、「普通女人一個」。
連登仔搵出職員正面相
該名女職員亦在連登討論區引起熱烈討論，有網民表示「靚女做一陣轉佢去private banking啦」，暗指職員未來應該會轉到匯豐的私人銀行繼續工作，不會再服務普通銀行客戶；另外有網民認為她貌似本港YouTuber「小麻うまる malojam」，亦有人認為似日本二人組合YOASOBI的女歌手幾田りら（ikura）；不過就有網民批評「香港女人樣衰到普通樣都要吹奏」、「樓主未見過女人？」、「正常樣都要放上黎，啲連仔餓X到」。
圖片來源：有線電視 截圖、網上圖片
