大媽帶大型紅白藍上九巴 網民因1細節開po鬧車長 留言區卻一面倒撐司機

大媽帶大紅白藍袋上巴士

近日Threads上流傳一段影片，1名穿著粉色衣服的大媽，攜帶著一個比半個人還高的大型紅白藍膠袋連手推車，她在14號巴士車門準備上車，但由於當時車長只打開了單邊車門，紅白藍膠袋只是勉強能通過車門，大媽費盡九牛二虎之力，幾經辛苦又抬又推才成功把行李推上巴士，而其間車長只是一直望著大媽，未有下車幫忙。

樓主發佈影片後，在帖文中批評司機的態度。他首先對於司機只開單邊門咁多非常不滿，好像要故意為難大媽般，其後又補充指該司機每次都只開單邊門，根本是在為難乘客：

「呢個司機次次行親14、14X，無論條隊1個人抑或20人都係開單門，仲要佢開單門係要慢多2至5秒，已經2022向九巴投訴佢開單門情況，但投訴完嚟到2024依然冇改進」

馬上睇片

網民一面倒力撐司機

帖文隨即引來網民熱烈討論，雖然有部份網民認同樓主立場「開得嗰半邊門，又係衰嘅」、「佢呢件又真係大嘅、但係佢一個女人拎咁重都好慘」、「有啲巴士佬真係X街嚟！特登開單門玩嘢，我試過拎好似架車仔size嘅貨、大約細佢一半有多啦，個司機係特登開單門，就係因為太細空間，我拎上去嗰下就扭親條腰！」。

但是大部分網民就一面倒力撐司機的做法「呢個司機非常正確」、「做得好」、「開單門有咩問題？」、「正常人係一隻門就得，另一隻係為有需要人士開嘅！你件行李大件你問題」、「開半隻門已經仁至義盡，話幫嗰啲真心cXs」、「我認同個車長做法，係我都唔會畀佢上車，留意返呢部巴士唔係貨車，唔通佢架手推車先係乘客」、「搬咁大件嘢就叫貨van啦，呢部係巴士嚟唔係貨車」、「司機其實冇問題，佢冇催你，好耐心等待」、「首先，九巴乘客攜帶行李係有規限；其次，九巴司機係負責駕駛巴士之餘，亦確保乘客安全。並不包括提供搬運服務，假設司機因為乘客行李太重而引致受傷係咪你賠醫藥費畀佢？」。