移加港人列9大鬥慘checklist 大吐苦水湧現回流想法：始終都係香港好
廣告
近年不少港人選擇移民外地，其中加拿大也是大熱之選。不過，近日有不少移加港人大吐苦水，表示移民生活不如預期般一樣，列出「加拿大鬥慘checklist」，然而其中有港人就感嘆「生活質素始終係香港好好多」，引起不少網民熱烈討論。
移加港人盤點9大鬥慘checklist
近日不少移加港人在Threads上發文，大吐移民後的種種辛酸，列出「加拿大鬥慘checklist」：
- 失業
- 同roommates因了解而分開
- 被Layoff
- 番min pay 工
- 搵唔到本行
- 見工俾人X狗
- 儲唔到錢
- Owp就嚟過期
- Pr 遙遙無期
雖然「加拿大鬥慘checklist」引起不少移加港人的迴響，不過就有不少人都沒有回流返港的念頭。有網民表示居住在加拿大的不確定性非常多，但同時也因為人工高、穩定的工時和假期等優勢，讓他覺得在加拿大的生活質素遠高於在港的生活。
有移加港人想回流返港
不過凡事兩面睇，有網民移民加拿大多個月後就有想回流返港的想法，發帖直言「我自問package同運氣都唔差，過到嚟如果唔係同香港比其實係好順利，生活好過好多同年齡既加拿大本土人，但同香港比，都係差天及地」。
該名網民針對「加拿大鬥慘checklist」一一列出反駁點：
- 失業－過黎未搵工個時咪失業，搵左一個月就搵到
- 同roommates因了解而分開－一開始已經自己住condo
- 被Layoff －暫時未
- 番min pay 工－時薪差不多50蚊
- 搵唔到本行－打剔
- 見工俾人X狗－見3次工都正正常常，2個offer
- 儲唔到錢－每個月儲到千幾
- Owp就嚟過期 －做左一年野就抽中EE
- Pr 遙遙無期－抽中之後6個月就收到卡
然而縱使樓主從以上9點中只有「搵唔到本行」有同感，他仍然自覺「做唔到愛加力」，坦言香港的生活質素始終好太多，在香港交稅後人工仍然是加拿大的兩，住屋方面亦好過多倫多，甚至連住屋租金佔稅後，人工比例會比香港更為低「時新50都只係勉強高於平均數」，感嘆「更何況我都只係普通人」。
網民反應兩極
相關帖文隨即引起網民熱烈討論，有不少人抨擊「唔鍾意就返香港」、「邊個省min pay有$50」、「其實50蚊一啲都唔多….」；亦有不少網民認同樓主的講法「其實一定無得比，要比較既話一早番左香港」、「基本上無解，100k再上差距會更加大 一係自我和解一係美帝/香港」、「same here」、「係一個值得學習嘅榜樣」
圖片來源：istock、Threads截圖
