公屋住戶擅自拆原裝門出售 開價以為賺到笑 網民：你大鑊！
廣告
香港公屋一屋難求，難得上樓，不少人都願意花少少錢裝修一下，打造心中舒適的生活環境。不過裝修還裝修，但都要睇清房署規矩，切勿「拆得就拆」。近日有公屋住戶在網上公然開價出售原裝廚房門，令一眾網民「O晒嘴」，指「買家大鑊，賣家更大鑊」。
公屋住戶擅拆原裝廚房門出售 網民：要還原㗎喎
近日有人在Facebook群組「香港裝修黑店、中伏經驗、室內設計、傢俬店苦主群」發文，指「還公屋所需的廚房防煙門，黃大仙區自取$1,000」，被指以為賺到笑。
網民看到圖後，即表示「乜公屋可以拆走呢啲門㗎咩？有晶片，還屋要還原㗎喎，房署同你逐樣對」、「交租已經只係2千幾蚊，呢啲都要拆嚟賺錢？」、「啲門唔係有晶片辨色邊間屋㗎咩，求其買有咩用」、「當間樓係你？話拆就拆」。
網民：買家就大鑊啦
而有網民指賣家無腦，還原單位時如果無原裝門，最少要賠3千多元，賣出就只有1千元，十分不划算。而買家更慘，事關「你買完裝呢度門落自己屋，即係你拆走咗原裝門啦，到時比房署發現又係賠錢，簡直雙失」、「到你還屋就知死」。
相反意見：你住得呢區好少人還出間屋
亦有人認為黃大仙區是「筍區」，基本上入咗去住都唔會搬走，「一間屋住幾廿年，拆度門有咩大不了，一係代代相傳，一係玩夠幾廿年，賠3千蚊都抵」。
圖片來源：Facebook@香港裝修黑店、中伏經驗、室內設計、傢俬店苦主群、電影《幻愛》、YouTube@川妹丫丫在HK
