都市傳說｜沙田偉華中心某位置不放租只放擺設 網民：唔好提當年單嘢！

都市傳說｜沙田偉華中心某位置不放租只放擺設
網民：唔好提當年單野　舊街坊拆解謎團

最近有沙田街坊在facebook群組「沙田之友」提及偉華中心連接新城市廣場的位置，有處以仿古設計的走廊展覽場，但卻長期空置，樓主好奇它的真正用途，並上傳圖片問「有冇人同我一樣覺得呢個位好靈異，喺寸金尺土嘅商場，竟然有個空間長期唔放租，淨係擺陳設品」，樓主表示該處還有管理員看守，思疑是否與風水有關係。

從圖片可見，該處有一條長型走廊，兩邊以紅磚牆身設計，及在牆身內嵌了展覽品，而天花板掛有大紅燈籠，整個都是中國式擺設設計，中間位置則放了多張石櫈，有網民直言看起來像「靈堂」，亦有人說該處以往是酒樓。不過大部分網友留言疑似是惡搞，指該處是「沙田結界其中一個點」、「唔好提當年單嘢啦」、「好似係同單天水圍五芒星有關」、「好多人講講下就失蹤埋」，稱該處曾有事發生。

另外亦有沙田舊街坊對於留言感好奇，「真定假呀，個個都懶神秘又唔講得，咪鬼留言啦」、「我住沙田40年都未聽過咩事，而且差唔多日日經過，好想知呀」，有網民指帖文的留言以流言製造法去惡搞，利用別人好奇心產生，像「天水圍六星陣」，是沒有內容的留言。

而有位居住在沙田數十年的舊街坊出來拆解謎團！表示該處很有可能是地契列明的公共空間，所以不能出租。