愚人節合集｜Pizza Hut菠蘿世一批/MTR出Shake Shake粉/牛角和牛雪條
1.Pizza Hut一日限定菠蘿世一批
蘿一直是 Pizza Hut 的招牌薄餅配料，想起菠蘿 Pizza 就自然會聯想 到 Pizza Hut，去年推出堂食免費追加菠蘿更大獲好評，足見港人對菠蘿作為薄餅配料的狂熱!今 個愚人節，Pizza Hut 特意研發並推出菠蘿世一批，為大家帶來與別不同的開胃驚喜!菠蘿世一批 以趣致菠蘿造型吸引眼球，批底上鋪滿增量菠蘿及煙肉粒，配合醒胃惹味的全新菠蘿沙律醬配方， 絕對是中午辦公室聚餐或晚上親友聚會的開胃「打卡」首選！
菠蘿世一批由即日起至 4 月 3 日於 Pizza Hut 網站及應用程式、港澳門市及外賣平台期間有售，售 價由$99 起，立即落單 Fresh 一下啦!數量有限，售完即止。
為讓大家有機會率先品嚐菠蘿世一批，Pizza Hut 將於今天快閃灣仔及中環多個「食 lunch 長龍黑 點」，為各位正在等位食 Lunch 的上班族送上逾 300 個內有迷你菠蘿世一批的必勝便「檔」，免卻 大家排隊等位、等外賣之苦，輕鬆品嚐 Pizza Hut 一人餐的滋味。
2.KFC愚人節玩味突襲！買D24榴槤葡撻禮盒即送限定榴槤味香水
KFC今年再次藉著愚人節破格出擊，繼上年掀起全城熱話送榴槤味洗衣珠，將人氣甜品變身話題單品！今年繼續以KFC招牌D24榴槤葡撻為靈感，推出玩味十足的「榴槤忘返香水」，將「果王」的濃郁香氣完美封存，4月1日限定一日驚喜登場，勢必成為今個愚人節最「香」的打卡神器！香氣「濃郁」得令人一試難忘！無論是送禮給朋友，還是自己收藏，絕對是今年愚人節最搶手的話題單品！
限定4月1日早上11時起，顧客只需購買任何6件裝葡撻禮盒（可選「3件D24榴槤葡撻+3件經典葡撻」組合，或全選「6件D24榴槤葡撻」），即可免費獲贈「榴槤忘返香水」1支！無論係堂食慢慢歎定外賣自取，都可以輕鬆換領呢份愚人節限定驚喜！數量有限，送完即止！
3.譚仔三哥誠徵辣椒！
譚仔三哥於3月31日就宣佈由於辛辛學子米線激鬥盃反應太好，食到三哥辣椒庫存見底，因此將於4月1日全線「走辣」！而愚人節當天則出帖誠徵辣椒！
4.譚仔米線出痛袋
譚仔出post指有譚仔迷整了譚仔姐姐痛袋，二話不說立即Bid，大讚實物整得幾靚，如果該Post過1000個likes，再留言讚下，就會割愛送畀其中一個粉絲！
5.MTR出Shake Shake粉
食薯條用調味粉就基本啦，今年鐵仔踩過界，隆重推薦——秘製鐵味粉，總共有4款口味，一定有款令你一試愛上！期間限定，一齊嚟shake shake 啦！
6.牛角和牛雪條
牛角推和牛雪條！集合神戶及仙台牛於一身的「神·仙和牛雪條」，使用最High Class食材，食完令你快活過神仙！4月1日限定供應！
7. 壽司郎新推南瓜天婦羅抹茶蕨餅芭菲
壽司郎新推南瓜天婦羅抹茶蕨餅芭菲，當甜甜南瓜天婦羅配上軟滑嘅牛奶味軟雪糕，再淋上甜醬油之後會帶嚟意想不到「焦糖」般嘅味覺，勢估唔到成個組合居然可以咁夾！
8.MOS Burger魚柳巨大化
MOS BURGER 又有新搞作！？3條美人魚等身大、長度超過5米嘅巨大魚柳（未搵到麵包啱size夾住佢）！配埋士多啤梨他他醬，食落真係好C服 ，以上5米摩斯巨大魚柳包將於全線分店推出。
9.昂坪人力纜車4.1啟航！
「昂坪人力纜車」試業期間每日四班，由東涌逸東邨為起點，經過昂坪棧道，來往昂坪市集同東涌。
10.九巴遊樂園搶先試玩
各位九巴fans係時候出動啦！全港首個「九巴遊樂園」今日已經一日限定正式登陸！九巴車廠天台，今日開放搶先試玩，用退役巴士變身各種刺激遊樂設施，3大必玩位你要知，即刻解鎖點玩最過癮（著紅色衫入場可能有驚喜禮物！）
11.HKAirline港航烘焙店
為擴展業務，香港航空開設麵包店- 港航烘焙，將名物餐包帶到市區，俾大家可以隨時品嘗空中美味，食包包食飽！港航發言人表示：如港航烘焙反應熱烈，更會考慮進一步開設 ”This This rice＂飯店添！
自香港航空逐漸恢復熱食餐點及甜品服務，有唔少乘客都同我哋反映好掛住我哋個港式菠蘿叉燒包、港式午餐肉包、紅豆包等等，宜加一一喺港航烘焙有售！為慶祝新店開張，首 41 名顧客買包送機票，把握機會快啲嚟買啦！
