大快活新推$10三件迷你葡撻！每日新鮮出爐＋下午茶時段供應

大快活新推$10三件迷你葡撻！

大快活新推出超抵食的$10/3件迷你葡撻，新鮮出爐，每日下午茶時段限量供應，因價錢相當之便宜，在網上掀起熱話！「香港茶餐廳及美食關注組」有會友已經率先試食，表示葡撻新鮮出爐，下單後大約等10分鐘，拎上手仲熱辣辣，牛油味都幾香，性價比十分之高。有不少網民留言真心抵食，亦有網民問會否好食過KFC，不過論價錢，都無投訴了。

$49原隻菜膽雲后雞＋$98孖寶二人餐

除了新推出的$10/3件迷你葡撻，大快活亦新推出原隻菜膽雲后雞（只限外賣）只需$49，另外亦設外賣及堂食孖寶二人餐，$98即可歎齊原隻菜膽雲后雞及滷水豬手或精選小菜，不想食滷水豬手亦可加$9轉配香葱脆炸黃花魚/豉汁蒸鯧魚/海鮮滋味系列，各位街坊買餸斬料好選擇！

全線大快活分店推出 6款臘腸煲仔飯

大快活今個秋冬推出6款臘腸焦香煲仔飯，單點低至$53，晚市套餐配燉湯及金銀蒜粉絲娃娃菜低至$72。每煲堅持原煲烘製，夠哂火喉更有惹味飯焦。配以精心挑選、份量十足的配料及精心調配的九十多年老字號冠珍醬園的秘制豉油，香噴噴好惹味！首推招牌臘腸豉汁排骨煲仔飯，選用7瘦3肥精選臘腸，配上香氣撲鼻的豉汁排骨，肉質嫩滑，醬汁經烹調後滲透進米飯中，鹹香惹味。另外推介臘味片陳皮牛肉餅煲仔飯，精選臘肉、臘腸片散發出誘人的煙燻香氣，鹹香適中，烹調過後油脂與米飯融為一體；牛肉餅厚身而且鮮嫩多汁，並加入10年日曬靚陳皮，配搭爽脆馬蹄、牛肉打至起膠，質地爽滑彈牙，入口清香開胃，食後有陳皮的回甘餘韻。