【飲食擂台】卡樂B日本限定口味 薯片
廣告
日本限定的 薯片 要專程飛去日本先買到？No No No！其實你落樓下就買到！呢批 薯片 以日本地方風味為主題，今次精選了四款口味，實行由北部食到南部！
A代表： 關西醬汁味
同事A：「關西醬汁即係咩味？我食到有點海帶、紫菜味咋。」
同事B：「味好淡！我比較喜歡重口味。」
同事C：「咩係關西醬汁啊？普通薯片囉。」
味道：★★☆☆☆
價錢：★★★★☆ (單售：$10.9/包)
B代表：關西風壽喜燒味
同事A：「聞落似牛肉杯麵味，好似日式壽喜燒的豉油湯味，我鐘意！」
同事B：「有少少壽喜燒味，唔錯。」
同事C：「有少少壽喜燒味，但不夠鹹。」
味道：★★★★☆
價錢：★★★★☆ (單售：$9.8/包)
C代表：沖繩柑橘味
同事A：「味道似柑桔柚子，酸的 薯片 很奇怪。」
同事B＆C：「青檸味，味較淡，感覺清新。」
同事D：「 和青檸一樣味道，不夠鹹。」
味道：★★☆☆☆
價錢：★★★★☆ (單售：$9.8/包)
D代表：北海道牛油醬油味
同事A：「聞落似蜂蜜牛油，好香奶味，不過幾油。」
同事B＆C：「係咪蜂蜜牛油啲friend嚟㗎？味道偏鹹了點。」
同事D：「好重牛油味，不過沒有醬油味。」
味道：★★★☆☆
價錢：★★★★☆ (單售：$10.9/包)
試完咁多隻味後，關西風壽喜燒味以兩票勝出！唔知你覺得邊隻最好食呢？
各大759阿信屋有售
【飲食擂台A&B】 重口味 波子汽水 咖喱鬥泡菜
罕見捷克酒館 Upgrade 街頭小食 + 手工啤【尖沙咀】
天然食療！4個健康 排毒 飲食推介
