【葵芳】葵涌廣場4大抵食推介香港最平花式棉花糖

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Dec 10 2015

葵涌廣場，一個充滿回憶，最具香港特色的舊式商場，因為一個花式棉花糖甜品，再度成為大家的火熱話題。記者身為葵涌廣場的長期fans，當然覺得需要同大家介紹廣場充滿香港味的地道美食！花式棉花糖，自家爆谷，濃味芝士撈烏冬，日式班戟，美味道款款爆燈！

A. 超強花式棉花糖 Yummy Mummy Ice-Cream

（12月10日更新）

良心小店Yummy Mummy Ice-Cream是在葵涌廣場出名的雪糕甜品店，12蚊5球雪糕食到街知巷聞(盤菜瑩子都有食呀，見下圖)，店主楊太繼推出巨型花式棉花糖同迷你兵團棉花糖之後，再推出聖誕雪人造型棉花糖！各位點睇先？

其實食雪糕唔駛排幾個鐘隊嘅～排得黎都肚餓想食下一餐啦我食呢間唔洗排隊，又平又滿足，食完仲有時間行街( ´ ▽ ` )#琴日食今日要OT#埋黎試下味丫歡迎試雪糕#d積分卡永遠儲唔晒

Posted by 盤菜瑩子 onTuesday, 8 December 2015

Yummy Yummy Ice-Cream
地址：葵涌廣場3樓3158號舖

下頁續：美國入口原料配朱古力做爆谷 POP POP RANGERS

B.美國入口原料配朱古力做爆谷 POP POP RANGERS　

行到小食街中段，就開始聞到一陣陣香味，原來是爆谷！POP POP RANGERS的爆谷用美國入口原料製作，每粒都相當有味，除常有的焦糖味爆谷外，更有人人都愛的朱古力味爆谷！爆谷包裝有多種選舉，除大($22)、中($17)、細($12)的份量，更有可保存4-5日的密實包裝($27)，另外更有特色芝士味爆谷($35)，看得出店主有用心經營啊！

POP POP RANGERS
地址：葵芳葵涌廣場3樓K28舖

下頁續：撈濃味芝士撈烏冬和味田地道小吃

C. 濃味芝士撈烏冬和味田地道小吃　

葵涌廣場一大必食小吃，當然就是濃味撈麵烏冬！根據非正式統計，葵涌廣場香港食撈麵最平的地方之一，10蚊以下都有交易，而特製的濃味芝士撈烏冬就賣10蚊，小食店姐姐撈野技術純熟，撈到烏冬汁分佈得好平均，條條有味，唔夠飽再加一條超入味的台灣香腸，切開一片片後連烏冬一齊食，正呀喂！

和味田地道小吃
地址：葵芳葵涌廣場3樓

下頁續：即叫即制平價多料又一戟日式班戟專門店

D.即叫即制好多餡料又一戟日式班戟專門店

去到最後，介紹一個靚仔又多料的甜品，日式班戟！日式班戟係葵涌廣場的長期受歡迎的美食，他們製作的班戟勝在餡料十足，而且有很多種類選擇，甜食有生果士多啤梨，朱古力，忌廉，雪糕等充滿色彩的材料。咸食就有火腿，辣肉腸，芝士等過癮材料！店主製作班戟有心思，一層一層地加上配料，令大家進食可以感到多種層次！

又一戟日式班戟專門店
地址：葵芳葵涌廣場3樓

下頁續：葵涌廣場Shoping尋寶攻略

BONUS. 香港手工達人小店葵涌廣場Shoping尋寶攻略

葵涌廣場除了充滿美食小店之外，更有大量時裝及手工達人舖頭。食飽飽啦，就開始購物啦！！！

迷你手作市鹿目園的香港情懷

幾個愛行手作市集的後生仔女，決定集合手作人中的bestpick，DeerField 就在去年暑假誕生了。寄賣單位有插畫師Wandera、Niko Niko 的押花滴膠、Ashaya theOne 的紙藝、Risy 的皮製品等，埋班團員各有特色，有可愛典雅，有極盡騎呢緊貼時事，選擇多元化，仲頗有舊香港情懷。

Deer Field
營業時間: 2pm-9pm（周四至周二）、2pm-5pm（周三）
地址: 葵涌廣場3樓摩登世界30號舖
網址: facebook.com/deerfield.design
查詢: 5984 9584

下頁續：葵涌廣場Shoping尋寶攻略 (下)

兒時回憶的創意嬤嬤手中線

嬤嬤不是《還珠格格》的容嬤嬤，而是三個剛畢業的新鮮人，早前在免費的手作市集擺檔，聖誕過後終於「上樓」。森女風格衣服外，三嬤主力用衣車畫畫，將兒時日常回憶戴在身上，如扮成單行簿及格仔簿的揹袋、扮填字遊戲的書套等，款式、尺碼、物料皆可訂做，不過店如其名慢工密密縫，較複雜的要兩星期才起貨。

慢嬤嬤
營業時間: 2pm-9pm
地址: 葵涌廣場3樓時尚坊17號
網址: instagram.com/mormorhk
facebook.com/mormorhk