肥蝦養成系列之瑞典春日兩大必食甜品@為何斯德哥爾摩沒有譚仔三哥

必食一·杏仁忌廉賓

呢嚿咁靚嘅包包叫samla，雖然望落只係件甜品，其實都有段故架。話說復活節前果四十日，基督徒都有齋戒等等既習俗作為復活節前嘅準備，而聰明嘅瑞典人就發明咗呢個香甜samla等大家可以喺齋戒之前食，為漫長嘅四十日做好準備。

外層鬆軟麵包包住入面香濃軟滑嘅忌廉，食到入個心仲有杏仁涵。而且識食就一定會加少少牛奶喺碟浸嚟食，老實講食曬成嚿都幾漏。

必食二·心心窩夫

每年嘅3月25號就係瑞典嘅窩夫節，背後都一樣有節故喎。

相傳當年3月25號，angel Gabriel向聖母瑪利亞報喜，呢日又稱為Our lady’s Day，瑞典文Vårfrudagen。
因為發音相似， 叫下叫下變咗Våffeldagen，即係Waffle Day。
自此之後，瑞典人每年都會食窩夫去紀念Our lady’s day。

而且個窩夫仲係心形架添呀，啱曬靚女食。鍾意嘅話可以喺窩夫上面加埋少少糖霜、生果、cream同牛油。

一年之計在於春，瑞典人經歷完冬天嘅無盡嘅黑暗，對春天都會份外期待。

如果你有機會嚟瑞典，又咁啱春天，記住要試以上甜品呀。
因為除咗甜，你仲會品嚐到希望同喜悅喺入面。

延伸閱讀：吉卜賽女郎@為何斯德哥爾摩沒有譚仔三哥