曼谷City Resort 好好hea – Hilton Sukhumvit Bangkok@Lucina Lo
以前往曼谷，對酒店的要求無咁高，因為終日都會出街逛逛食食，留在酒店的時間總是很少，但年紀大咗真係冇咁好活力，去到邊都想在酒店hea吓，每次出門，我的既定行程都是六點幾至七點起床，慢慢歎早餐，之後做gym跑步，然後游水曬太陽，因為平時在香港每天都做運動，如果外遊唔做運動出一身汗仲要暴飲暴食，身形一定漲過爆醬牛丸，而唔做運動的我，總會沒精打彩的。
曼谷的酒店都很高水準，近年又有很多新酒店，一時之間真的不如如何選擇。以往揀酒店通常揀旺區如Siam，但現在反而喜歡較靜的區域，而一年去幾次、十分熟悉曼谷的舊同事，便推介我入住開業只幾年，位於Suhmuvit這個較靜區域 (其實現在已很旺人多車又多了) 的Hilton Sukhumvit Bangkok，而其姊妹酒店Hilton Double Tree在同一條街，不過Double Tree屬四星而這間則是五星級，Double Tree的房間則較細。
回想起來，只住過格調較casual的Double Tree，五星級 Hilton則是第一次，房間寬敞不會大而無當又不會很狹迫，感覺剛剛好係舒服這種，最喜歡浴室夠大，而且每房都有浴缸，可惜咁多日沒有閒情浸浴。
最初以為老牌美國酒店的Hilton應該是很傳統很老氣，但酒店設計卻是modern又casual中帶典雅，亦喜歡酒店大堂的香薰氣味，最重要係酒店的wifi在任何角落都十分強勁。
不過印象最深而又最喜歡是包圍酒店四周、樓高兩層的綠化牆，坐在位於一樓和二樓的餐廳時，透過落地玻璃向外看，感覺好似去咗Resort 咁。
另一個令我喜歡Hilton的原因，是其位於26樓的泳池和24小時的健身室，首晚到埗大擦一頓後有點內咎，晚上11點都可走上去跑番幾十分鐘機消消脂。泳池呢! 雖然略嫌太陽唔係成日曬到正，得幾個位可以暴曬太陽，其他位都是有遮陰，而泳池水亦因太陽唔係成日直曬而有點凍，但整體來說泳池夠大，全個泳池水深都係1.2米，又有無敵city view，很不錯呢!
交通呢! 酒店離BTS的Phrom Phong站只五分鐘步程，最重要是幾分鐘步程已有幾間按摩店，出外購物玩咗一天，可以按摩埋先回酒店大休。
我們於1月底入住時，酒店正推出優惠，房價只港幣千幾蚊，已包早餐之餘，更送一次二人high tea ，平時每人要480泰銖，還有每天一張BTS 任搭pass。
酒店的優惠送二人high tea套餐，糕點小食高水準，尤愛macaron，鬆化而不過甜，mini-burger亦很juicy，配以一杯果汁及咖啡，做完運動或出去逛街完來high tea充電實在一流。
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
