曬相好緊要＠Ellenpedia
廣告
菲林時代，每筒菲林的照片有一定數量。直到現在數碼時代，一張SD card，一部電話，可以儲存過千張相，所以我們在拍照時沒有以前那麼講究，任何映入眼簾的狗屎垃圾都影餐飽，又所以，這些無聊照片冇理由曬嚟嘥錢掛。
久而久之，我們都很少再曬相。
我呀，分明就是被惰性征服。你要我定期在電話內，一次旅行完幾百張相內揀出嚟曬，我就算好踴躍地說「好呀」，最後我只會推遲推遲又推遲，直到不了了之，所以呢，還沒有揀來曬的相已經推積成一座幾百GB的山（FML）。
問題嚟啦，有時那天心血來潮，想在幾百GB的數據海中找某輯相片回味一下，卻發現喂唔見咗嘅。可能，沒有將相片back up。又可能，是痴咗線隨手delete咗唔知。再可能⋯⋯
總之唔見晒，一張不留。這時就好後悔為甚麼沒有曬相，最少都有幾張實實在在揸上手叫做留念呀。
唉，我唔見咗嗰次去Lyon嘅相，得返一兩張啲quality麻麻嘅iPhone相。有啲地方唔會再去，再去又唔係嗰回事架嘛。
延伸閱讀：冰臨城下＠Ellenpedia
