旺角空虛食記@阿CHEAP
廣告
最近旺角新世紀開咗間Smile Cafe，就係嗰間專賣貴價乳酪嘅Smile嘅朋友（話說新世紀改咗個新名叫做MOKO，智商有被降低的感覺）
呢度係半自助形式，要即整嘅嗰啲嘢食佢會畀個牌仔你坐低等，之後職員會拎嘢食去你張枱（但乳酪要自己拎）
嘢食同平時啲Smile差唔多，仲有啲類似啫喱杯咁嘅嘢同自選三文治等
味道OK
適逢當日商場有醒獅採青嘅活動，好多舖頭門口都掛咗捆生菜
不知情嘅外國人會感到很困惑吧，「Oh my god, is it a 生菜週？i’m lovin it！」
之後去咗旺角食下街頭小食
喺一間賣韓式小食嘅舖頭買咗份廿幾蚊嘅炒年糕
食第一啖，咦，呢種味道點解咁有親切感嘅……？呢隻味咪就係羅宋湯嘅味！？
是的，這根本是羅宋湯加辣嘅味道…… 有人可以告訴我真正嘅韓式炒年糕係羅宋湯味的嗎？
連裡面嘅疑似泡菜都疑似係羅宋湯入面嘅雜菜
廿幾蚊，份量都唔細，食完都幾飽，但有種非常空虛嘅感覺……
Let it go~~ Let it go~~~~~
PS 呢種詭異嘅旺角街頭小食其實都唔係第一次見識，我買過最詭異嘅係「珍珠芬達」，就係將珍珠奶茶入面嘅珍珠加入芬達汽水嚟飲嘅疑似台式飲料
延伸閱讀：食放題嘅「袋住先」精神@阿CHEAP
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
