日本瘋傳咖啡飯真好味？機場煲飯哥精選４大飲料煲飯大比拼！
正當我哋以為佢走咗之際，佢居然離奇地出現喺我哋公司樓下煲飯，原來煲飯哥話我哋香港人對佢好好，為咗報恩，就專登嚟教我哋日本大熱嘅咖啡飯！咁你可能會問，咩係咖啡飯呢？所謂咖啡飯的意思，就係煮飯的時候，唔用水，直接以咖啡來煮飯，最近就喺日本網絡界大紅，不少日本人都整咗嚟食，仲各自有食譜教學，又等我哋教教大家先！
材料：飯、罐裝無糖咖啡、調味料
步驟非常簡單，只要準備與煮飯所需要的水同等份量的咖啡，然後照常在飯煲烹煮，待飯煲叮一聲，完成！
機場煲飯哥就同我哋講，原來佢去新加坡之前，就去咗日本偷師學特別的煲飯技巧，仲創作出抹飯、益力多同Red bull飯！新假期一眾記者都本住捨命陪君子的精神，同煲飯哥連場煲飯試食！即刻去片先！
下頁續：咖啡、抹茶、益力多、Redbull飯試食報告
乜都夠膽煲
咖啡、抹茶、益力多、Redbull飯試食報告
1.咖啡飯
材料及份量：飯（1碗），咖啡2罐(175ml)
味道：3.8/5
口感：4/5
賣相：3.5/5
靚姐！整多碗嚟度：4/5
試食記者評語：「。。。。。」、「有泰式芒果飯嘅感覺！」、「就係咖啡粉同飯」
煲飯哥秘技分享：選用有奶及微糖咖啡，煮後像咖啡甜品一樣咁好食，如果選用無糖黑咖啡的話，就可能要加上鹽及其他調味料了。
2.抹茶飯
材料及份量：飯（1碗），抹茶1支(340ml)
味道：3.5/5
口感：4/5
賣相：3/5
靚姐！整多碗嚟度：3.8/5
試食記者評語：「有抹茶色！但無抹茶味！」、「飯好黏，有少少似糊仔！」、「飯底有塊抹茶衣？！」
煲飯哥秘技分享：已經沖好的支裝抹茶，味道太淡難使飯入味，可考慮用抹茶粉沖茶煮飯，效果更佳！
3.Red bull飯
材料及份量：飯（1碗），Red Bull 1罐(355ml)
味道：4/5
口感：4.5/5
賣相：4/5
靚姐！整多碗嚟度：4.2/5
試食記者評語：「好似壽司飯！」、「作為一個Red bull粉，覺得好奇怪！」、「聽講Red Bull好難飲，但咁樣食就OK喎！」
煲飯哥秘技分享：Red Bull本身便有很強的味道，所以煮飯時不用再加調味料了。
4.益力多飯
材料及份量：飯（1碗），益力多 4支(100ml)
味道：4.5/5
口感：4/5
賣相：0/5
靚姐！整多碗嚟度：4/5
試食記者評語：「上面黃色物體又似海膽又似蟲！」、「伙記！俾多碟咕嚕肉嚟！」、「如果有舊菠蘿食下會開心d！」
煲飯哥秘技分享：益力多飯味道十足咕嚕肉汁咁，不妨整個咕嚕肉伴飯食！
