【冰島】新遊冰島藍冰洞 365日全年無休

早幾年開發的冰島藍冰洞靚就靚，可惜導賞團是冬季限定，每年僅有4個月開放參觀。下月1日開幕的新冰洞卻以「四季無休」做噱頭，連夏天都唔融雪咁神奇？原來冰洞並非天然組成，而是靠人工開鑿冰島第2長冰川Langjökull，挖掘出深30米的洞穴。計劃目的是教授冰川學基本知識，隧道全長得300米，兩邊有幾個洞口，大家要有心理準備聽書學嘢為主！愈深入地底，四面八方的冰塊便會因形成時間較長，而由雪白色漸漸轉化為亮麗的寶藍，跟天然藍冰洞的絕景不相伯仲！嫌齋睇唔夠特別的話，仲可以在裡面的教堂辦婚禮，問你死未！