文化 x 旅遊 首間「誠品酒店」格型登場@Wina

等了又等，台北首間誠品酒店「誠品行旅」，比原定時間遲了一年有多，今個月終於開始試業，真係等到人頸都長。

新酒店座落台北信義區「松山文創區」內，旁為去年剛開幕的誠品松菸，整個文化的氛圍簡直渾然天成。「誠品行旅」樓高 16 層、共 104 間客房。每個樓層以不同年代的台灣攝影作品為主題佈置，鋪上橄欖錄色地毯，配上米白牆身及木製家私，洋溢優雅簡約的氣質，當中最矚目的是只有五間的「人文套房」，面積由 720 呎至 1,470 呎，每間房均置有巨型木書架，依人文、藝術、音樂、生活等不同主題放上過百本書藉，可隨時挑起一本書，坐在 Design Chair 上，遠眺陽明山的風光，一邊享受悠閒的閱讀時光。酒店內的設施雖然只有一個健身室，但就有 3 間特色餐廳，尤其位於一樓大堂的 The Lounge，一列向橫的書架及五千本書作為背景，置身一間小型圖書館一樣，可以坐下來歎咖啡、看書，享受寧靜。

酒店官網現在更有試業優惠，約 $2,724 起雙人入住一晚，雖然價錢偏貴拍得住文華東方，但係要住就快啦，睇嚟酒店好快就變成打卡景點，酒店房唔多、遲啲定必越搶越貴！

誠品行旅
地址：台北市信義區菸廠路 98 號
電話：886-2-6626 2888
交通：捷運「國父紀念館站」5 號出口步行約 15 分鐘
網址：http://www.eslitehotel.com

延伸閱讀：文青新蒲點-誠品生活松菸店