【韓國的士】搭的士平過搭地鐵？兩大韓國實用apps你要知：Kakao taxi + Naver map
資料提供：博客我在延大讀書的日子 / 連結
韓國綜藝節目《兩天一夜》有句名言：「美景同距離係成正比的」，準備去韓國睇紅葉嘅您，應該都有幾個偏遠地區之選吧？所以除咗要準備定一部影靚相嘅相機之外，最重要都係搵清楚哂啲路免得搵到天黑都未去到，就好似南怡島咁，其實好多人都會選擇轉的士入去，但，唔知最近大家有冇發現，有時係首爾街頭想截韓國的士，但啲的士係唔停架呢？答案好簡單：
唔想企係到截極都截唔到，咁你手機就一定要down定kakao taxi旁身啦！
自從Kakao taxi呢個apps出現咗之後，你無諗過咁多上咗年紀嘅아저씨（叔叔）都可以將部手機掛係的士到，不停響呀響，鍾意就o禁下唔鍾意就飛，係去到唔休做嘅境界，所以誇張的士司機大叔都同我講：「唔用Kakao taxi, 你唔洗旨意截到的士。」而我用kakao taxi截呢，暫時係錄得0失手嘅紀錄，就算幾短嘅路程（唔跳錶），都一樣截到架！所以今日就決定分享幾個實用tips比大家旁下身！
Kakao taxi
- 搭的士起錶價係3000W，地鐵一個站都係要比一人1250W，計埋地鐵要上上落落時間，所以其實好多唔洗跳好多錶嘅路程如弘大去新村，甚至弘大去梨大嘅路程只要係兩個人或以上都係搭的士抵啲嘅！
- 唔洗識韓文嘅，跟我學一次點O禁啦：
Naver map
- 假如你想知你將要搭個程的士幾錢，你可以用Naver map幫手，咁就可以計下抵唔抵啦！
Naver map係一個搵路嘅apps，有得睇埋佢推介嘅大眾交通方式，介面自然比kakao taxi複雜，不過我地唔好咁貪心，學咗點搵個的士費出嚟先啦！首先都係同kakao taxi一樣打你嘅出發地同目的地啦，要定位就要按：
定位睇下你係邊先！
再copy& paste返個目的地。
按呢個私家車符號。
蹡蹡！咁就可以睇到估計嘅的士費啦！通常都唔會有太大出入嘅！
- 而家大部份的士係有T-money用，唔想找贖就最好充定值T-money，一DO就搞掂！
- 如果想學埋點樣搵有咩公共交通工具，可以click入段片學埋佢～！
的士tips：
i. 如果你唔用kakao taxi想直接接的士，都記住千祈唔好搭「黑的」，除非你好太多錢唔知點洗。因為「黑的」，即係「模範」的士(모범택시)，車身黑色所以簡稱為黑的，意思係高級的士，司機需要十年無不良行車紀錄先揸得，車費唔係貴，係好貴。
ii. 如果你無韓國電話號碼，其實可以係香港買定eg sim card去，因為佢裡面又有data又可以打到電話，香港指定嘅7-11可以買到，又或者係網上預約左之後到機場拎，佢地而家出左apps就算用用下無哂 data都可以24小時用信用卡充值，我之前交換生用個張eg sim card keep到而家，半年後再去韓國都用到。又或者可以去到韓國買KT sim card，佢地都有for 遊客用既plan～詳情可以睇：http://www.egsimcard.co.kr/…/offline/xiaoshoudian.asp
有韓國電話號碼既話，唔單止可以用係kakao taxi到，甚至好多唔需要本人認證既網店都可以購物，又少左個wifi 蛋無電或帶多樣野既麻煩。韓國網購如果多人有興趣我再拍教學吧><
作者：金鈴（링）香港大學韓國研究4年級，曾到韓國延世大學交換生一個學期，回來後得到韓國觀光公社贊助拍攝「１４日環遊韓國」，一手一腳籌劃、拍攝加後期剪接，繼續努力介紹各種韓國文化給大家。
延伸閱讀：
韓圜 破四年新低 平買套票出發【韓國】
【南韓賞楓】萬眾期待！韓國氣象廳公佈2015年 南韓楓葉 預測新鮮出爐！
新假期周刊 電子書：
ios：https://itunes.apple.com/hk/app/xin-jia-qi-zhou-kan/id722179449?mt=8
Android：https://play.google.com/store/apps/details?id=com.weekendhk.newsstand2&hl=zh_HK
新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！
想最快接收第一手的旅遊飲食資訊？Easy！
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」，搞掂！
