夏日熱辣辣！淺水灣都有得Slide！

Jun 9 2015

唔洗等到8月，而家就有得Slide！淺水灣the pulse推出一系列Endless Summer@the pulse活動，喺呢個夏天，為大地帶來更多汗水。打響頭炮嘅係Water Carnival，由6月13號起，一連7個星期六，喺商場嘅天台，擺設咗兩個巨型水上遊戲，仲有唔同嘅美食攤位同戶外電影，可以曬住太陽、望住海景、食住花生睇好戲。

1. Slide the pulse

結合全城熱爆嘅水上滑梯同保齡球，可以率先喺淺水灣Slide！全長約40米嘅「球道」，坐喺水泡上面瀡落嚟，衝埋巨型吹氣保齡球度，不過照記者現場所見，要打到全中，並唔係一件易事呀！

2. 極速降溫水上足球

平時踢波又熱又多規矩，但係呢度嘅水上足球，又可以浸喺涼浸浸嘅水度，又冇任何規矩，仲唔限時添，絕對啱晒唔鐘意受約束嘅大家！呢度唯一要注意嘅，就只有大家嘅安全。

睇到呢度，大家可能會問點先可以玩到呢？大家只要到相關網址購票，成人門票$180位，小童$60，就可以入場玩水。不過日期就指定於6月13至7月25期間的星期六，下午12時至晚上8時內任玩。咦！會唔會好多人迫爆場㗎？會！所以編輯部的建議是如果有太多的球員，各位玩家最好組織現場朋友分隊作賽，咁大家就可以踢得盡慶、玩得開心！