龍蝦特嫂教精你！揀蝦3件事! 涼薄最緊要！＠食界許SIR三點三
廣告
自從特首夫人以一身人型龍蝦的姿態示人，住響食神「菜欄」樓下慈零山１８座既我，不敢倒抽一口「龍」氣，完全感覺到「齊陰」嘅母親對食嘅個份執著！我認為佢呢身嘅裝扮，係標誌住佢係龍蝦嘅權威，深知揀龍蝦嘅訣竅：
特嫂親授，尋「龍」3訣：
1.「師父，條龍要夠涼薄！」
龍蝦刺身被視為海鮮菜式中的極品，涼薄就係當中兩個重要的部驟，第一，涼，就係清洗龍蝦肉必須要以冰碎而非水，確保龍蝦保持冰爽的溫度與口感；第二，薄，指的是刀法，必須擁有將龍蝦肉切得晶瑩剔透的能力，令龍蝦刺身賣相和口感都更好。
未諗聖誕節目？：今個聖誕一於流連在中環摩天輪
2.「屎」可忍，尿不可忍？
就算你未烹調過龍蝦，都一定聽過煮龍蝦前要放尿，但其實龍蝦膀胱位於頭部位置！尾部其實是龍蝦的肛門，而大家刺穿的其實是肛門，流出其糞便和體液，所以正解係：「尿可忍，屎要放」至真。
3. 冬裝著起，人形龍蝦最肥美
秋冬起，龍蝦肥。本地龍蝦其實都一樣咁肥美。揀龍蝦時要注意除咗要游緊水，仲要色澤鮮明、觸鬚和腳要完整無缺，就好似人型龍蝦一樣，咁出眾，咁迷人！
特嫂犧牲自己形象教大家點揀靚龍蝦，大家去「鳩嗚」完就記住食多D喇！
