《世界零距離5-8集》10分鐘睇完 方東昇醒你的冷知識
第五集：委內瑞拉(上)
1.排隊為兩餐
香港人排隊超過5 分鐘都覺得耐，去到委內瑞拉應該好悲哀。事關當地受匯率﹑限價令﹑走私等問題而出現物資短缺。 買兩隻雞要排幾個鐘，想買多兩隻蛋就要重新排過。為舒緩情況，政府諗到用身份證號碼去分流﹑指紋認證以免大手掃貨﹑買嬰兒用品仲要帶埋小朋友出世紙。我哋等上樓可能要廿年，佢哋等上一層樓買野，幾乎都用咗大半日，計落好似佢哋慘啲。
第六集：委內瑞拉(下)
1. 請軍警保護等閒事
「風光如畫，治安奇差」在委內瑞拉全程請兼職軍警保護係平常事。但問到居民驚賊定警察時，居然覺得無分別。隊伍沿途想搵外國遊客訪問，先發覺全部都係當地人。
2.美女補習班
當地盛產靚女，可以唔食飯但唔可以唔打扮，係選美賽的常客，當中有天然都有後天加工。有窮人整容愈整愈窮，有父母就送個女去學選美秘笈。
第七集：斐濟
1.擊破無癌國之說
在網上打斐濟兩場，跟隨出現的是無癌國。有傳40 年無發現過癌症個案。揾嚟衛生部發言人問，點知對方倒米地話癌症係當地係一個負擔。隊伍深入醫院，即時發現有腫瘤科。原來癌症係當地的第三大殺手。
2.分辨斐濟水
貴為第二大出口貨物的斐濟水，連奥巴馬都有飲。廣告對白講到無敵，帶香港的礦泉水去比居民比較，個個都分得出邊杯係斐濟水。講到咁犀利，可惜嘅係官方回應此水無證實對癌症有效。
3.諾麗果醫唔到病
諾麗果又叫嘔吐果，居民當潤膚膏咁用之餘，又話食咗可以強身。同樣地，治療功效成疑，被認為係宣傳手法吹大。
4.全國設計國旗大賽
曾經係英國殖民地的斐濟，獨立45 年至今仍然用緊有象徵英國的米字旗。政府就趁周年搞個全國設計國旗大賽，估唔到意外製造賣旗商機。
第八集：瓦努阿圖
1.樂天知命
年初被五級熱帶氣旋正面吹襲，全國九成房屋損毀，世外桃源面目全非。有疑似豆腐渣工程﹑監獄破壞走犯， 村落斷水斷糧的情況，當地人即使食果仁椰子為生依然笑面迎人，一貫樂天知命的性格。
2. 比錢做榮譽市民
天災加人禍，無錢要自救，所以推出榮譽市民政策。在有限額的情況下，只要支付約100萬港元就可以做榮譽市民，相比之前要10 年先可以入藉，宜家快得多。當然要經過背景審查先可以啦！
