貓奴荷包失守!!! Felissimo貓部開限定Pop Up Store |日本|

Mar 24 2016

當貓奴見到貓貓系列商品，除咗會發出喵喵聲響，仲會不自覺地大手購入，將貓貓帶翻屋企。吸引萬千貓奴嘅日本網購品牌Felissimo貓部，售賣超可愛嘅貓商品，包括食品、生活用品、衣服飾品、雜貨及美容產品。最近喺日本開咗幾間期間限定Pop Up Store，如果貓奴們最近計劃去轉日本旅行，就唔駛網購喇，慳返唔少時間同運費！

Pop Up Store究竟有d咩？當然會搵到幾款人氣商品，例如軟軟貓咪肉球香味護手霜、貓咪額頭香味噴霧和迷你和菓子風貓咪棉花糖！而今次限定店會將商品的一部份金額撥入「Felissimo貓基金」，以保護流浪動物及支援各種愛護動物活動，所以買佢哋嘅產品同時能夠做善事，幫到貓貓們。

人氣item 1: 貓咪肉球香味護手霜

呢款Hand Cream嘅氣味標榜住同貓咪肉球香味一樣！Felissimo貓部喺推出前，特別喺網上徵集網民意見，問佢哋認為肉球係似啲咩味，有網民答「燒焦了的焦糖香味」、「水煮枝豆的香味」等等，最後經社長研究，就決定製作「爆米花香味」嘅軟軟貓咪肉球香味護手霜。

貓奴貓部貓咪 — 軟軟貓咪肉球香味護手霜 50g ¥1,131 / HKD $78 （圖片來源：官方網站）

貓咪的肉球即係貓咪的掌心，每次貓奴見到都會好開心～

マツカワムツミ（@m1129623）張貼的相片於 2016 年 3月月 21 11:25下午 PDT 張貼

人氣item 2: 貓咪肉球香味護手霜

較新推出嘅產品-貓咪額頭香味噴霧，經調查後，接近貓額頭嘅味道係「剛烤好的麵包」味，噴喺被鋪或抱枕，任何時候都會覺得貓貓在身邊。

人氣item 3: 迷你和菓子風貓咪棉花糖

超高人氣嘅迷你和菓子風貓咪棉花糖，每粒棉花糖造型都好可愛，裡面仲有淡淡甜味嘅四季豆蓉餡料，可愛到唔捨得食啊！以上商品全部都係日本製造架！

不少instagram都會呢款棉花糖的跡影，個個都大讚Kawaii！

Miyuki（@miyuki.77.my）張貼的相片於 2016 年 3月月 21 8:57上午 PDT 張貼

其他產品

除咗貓奴必買嘅人氣產品，仲有其他產品都好可愛，如貓咪朱古力、膠布、印章同衫等等，樣樣都好想買哂返屋企呀！

東京/大阪期間限定Pop Up Store

フェリシモ猫部期間限定ショップ【新宿LUMINE EST店】
營業期間：2016/2/20～7/31
營業地點：新宿ルミネエスト店６階南側電梯旁（顯示地圖）
營業時間：平日11:00～22:00 週末及假日10:30～22:00
フェリシモ猫部期間限定ショップ【東京晴空塔店】
營業期間：2016/3/5～4/13
營業地點：東京ソラマチ 4階特設会場（顯示地圖）
營業時間：10:00～21:00
フェリシモ猫部期間限定ショップ【新宿Tokyu Hands店】
開催期間：2016/3/15～4/10